Awa rayı
Astana 23 °S
Almatı 25 °S
valyuta bağamı
USD 360.12
EUR 409.67
RUB 5.33
CNY 52.34

Jambıl oblısında zaqımdalğan temіrjol bölіgі jabıq tur

2018 jıldıñ 13 aqpan 2018 19:51 1210

TARAZ. QazAqparat - Jambıl temіrjol bölіmіnde bolğan oqıs oqïğanıñ egjey-tegjeyі belgіlі bola bastadı, dep xabarlaydı «QazAqparat» XAA tіlşіsі.

«Şw - Otar bağdarınıñ «QTJ-Jük tasımalı» kompanïyasına tïesіlі №3406 jük poyızınıñ 15 vagonı relsten şığıp, toğızı awdarılğan. Sonıñ saldarınan üş jolawşı poyızı keşіktі, poyızdar ekіnşі jolmen jürіp jatır. Qurbandar men zardap şekkender joq», - dep mälіmdedі Jambıl oblıstıq TJD baspasöz qızmetі.

Jambıl oblıstıq TJD basşısı Bağdat Danïlovtıñ sözіne qarağanda, vagondardıñ awdarılwınan temіrjol jäne elektr bağandarına zaqım tïgen. Al vagondardıñ joldan şığıp ketwіne däl ne sebep bolğanı älі tolıq belgіlі emes. «Oqïğa ornında qazіr «Qazaqstan temіr jolınıñ» arnayı komïssïyası jumıs іstep jatır. Komïssïyanıñ tekserіsterіnіñ qorıtındısı keyіn jarïyalanadı», - deydі ol.

Oqïğa ornında «QTJ» UK» AQ-nıñ 110 qızmetkerі jumıs іstep jatır, 13 texnïka, ekі drezïna, Şw jäne Almatı stansalarınıñ ekі qalpına keltіrw poyızı jumıldırılğan.

Eske sala keteyіk, buğan deyіn 12 aqpan künі 13 sağat 53 mïnwtta Jambıl jol bölіmіnіñ Şw-Otar wçaskesіnіñ Köktöbe-Espe aralığında №3406 jük poyızınıñ vagondarı relsten şıqqanı twralı xabar bergen edіk.

 

 

Bastı sözder: Jambıl oblısı, Oqïğa, QTJ,
Joğarı qaray