Aýa raıy
Astana 1 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Jambyl oblysynda toqpen balyq aýlaǵandar qolǵa tústi

2019 jyldyń 16 sáýir 2019 01:35

TARAZ. QazAqparat - Jambyl oblysynda jappaı joıatyn, zańmen tyıym salynǵan toqpen balyq aýlaǵandar ustaldy, dep habarlaıdy QazAqparat tilshisi.

Zańsyz balyq aýlaýshylar «NEREST» respýblıkalyq jedel-aldyn alý is-sharasy barysynda qolǵa túsken. Bul týraly oblystyq polıtsııa departamentiniń baspasóz qyzmeti málimdedi.

«Jambyl aýdandyq polıtsııa bóliminiń qyzmetkerleri «Ohotzooprom» janýarlar dúnıesin qorǵaý jónindegi ınspektorlarymen birlesip, Asa ózeninen zańsyz balyq aýlaǵan eki azamatty ustady. Olar sý janýarlaryn jappaı joıatyn, zańmen tyıym salynǵan toq arqyly jumys jasaıtyn qarmaqty paıdalana otyryp, balyq aýlaǵan. Jalpy salmaǵy 177 keli bolatyn balyq, rezeńke qaıyq jáne arnaıy qoldan jasalǵan elektrli qarmaq tárkilendi»,- delingen vedomstvo habarlamasynda.

Qazirgi tańda bul oqıǵa boıynsha Jambyl aýdanynyń polıtsııa bólimimen QR QK 335-baby 3-bóligi 2,4-tarmaqshalarymen sotqa deıingi tergeý amaldary júrgizilýde.

Joǵary qaraı