Aýa raıy
Astana -4 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Jambyl oblysynda qyzylsha dertine shaldyqqandardyń sany 200-den asty

2019 jyldyń 16 sáýir 2019 03:27

TARAZ. QazAqparat - Jambyl oblysynda jyl basynan búginge deıin qyzylsha aýrýyna shaldyqqandardyń sany 214-ke jetken. Aımaqta qazirgi ýaqytta aldyn alý sharalary júrip jatyr, dep habarlaıdy QazAqparat.

Óńirdegi qyzylshaǵa shaldyqqandardyń 75 paıyzǵa jýyǵy 14 jasqa deıingi balalar. Dárigerlerdiń aıtýynsha, bul - balalarǵa ýaqtyly ekpe jasamaýdyń saldary. Onyń sońy asa qaýipti aýrýlarǵa ákep soǵýy múmkin.

«Aımaqta jyl basynan beri 12 myńnan asa adamǵa ekpe jasalǵan. Degenmen oblysta epıdemıologııalyq jaǵdaı turaqsyz kúıinde qalyp otyr. Aýyrǵandardyń 65 paıyzy qyzylshaǵa qarsy ekpe almaǵan balalar. Al, olardyń 13 paıyzy ekpe salýdan úzildi-kesildi bas tartqan»,- deıdi oblystyq qoǵamdyq densaýlyq saqtaý departamenti basshysynyń orynbasary Kúmisbek Rahımov.

Bul dert balanyń júıke júıesine qaýipti deıdi dárigerler. Mamandar, qyzylshaǵa shaldyqpaýdyń eń tıimdi ádisi ekpe alý dep sendiredi. Ekpe bala bir jasqa tolǵannan keıin úsh aıdyń ishinde, odan soń alty jasynda taǵy salynady.

Aıta keteıik, búginde oblysqa qyzylshaǵa qarsy vaktsınanyń birinshi partııasy boıynsha 25 myńnan asa dozasy jetkizilgen. Ol barlyq aýdandar men ekpe pýnktilerine tolyǵymen taratylyp berilgen.

Avtor Ǵıbrat Sembaı
Basty sózder: Medıtsına, Jambyl oblysy,
Joǵary qaraı