Aýa raıy
Astana 7 °S
Almaty 15 °S
valıýta baǵamy
USD 389.59
EUR 429.06
RUB 6.05
CNY 55.07

Jambyl oblysynda Qazaqstan men Reseıdiń birlesken oqý-jattyǵýy aıaqtaldy

2019 jyldyń 21 qyrkúıek 2019 09:45

TARAZ. QazAqparat - Jambyl oblysynyń «Aısha bıbi» polıgonynda Qazaqstan men Reseıdiń taýly-egerlik bólimshelerimen birlesken taktıkalyq-arnaıy oqý-jattyǵýlar aıaqtaldy, dep habarlaıdy QazAqparat tilshisi.

10 qyrkúıekte bastalyp, on kúnge sozylǵan oqý-jattyǵýdyń sońǵy kúni qarýly qaqtyǵysty oqshaýlaý jáne jolyn kesý boıynsha arnaıy áskerı is-qımyldardy ótkizýge arnaldy. Shara barysynda qatysýshylar erekshe kezeń – Qarataý taýlarynan jaıaý ótip, synaldy. Onda áskerı qyzmetshiler taýly-qoryqshy bólimshelerine tán daıyndyq daǵdylaryn kórsetip, uzyndyǵy 60 km bolatyn baǵytty bir táýlik ishinde júrip ótti. Olar belgilengen shart boıynsha taýda túnedi.

«Ońtústik» óńirlik qolbasshylyǵynyń «Teris -Aybulaq» jáne «Aısha bıbi» polıgonynda ótti. Áskerı qyzmetshiler jaýyngerlik, taý-egerlik jáne atys daıarlyǵy boıynsha birlesken is-qımyldardy oryndady. Belsendi kezeń barysynda shartty qarýly qaqtyǵysty oqshaýlaý jáne kesip ótý boıynsha arnaıy áskerı operatsııa júrgizildi. Áskerı tehnıka kolonnasy «Terıs-Aybulaq» polıgonynan «Aısha bıbi» polıgonyna deıin marshpen ótti.

Aıyryqsha ereksheligi taýly jerlerde áskerı júkterdi tasymaldaý úshin júk attaryn paıdalaný boldy. Oqý-jattyǵýǵa Qazaqstan Qarýly Kúshteriniń taý-egerlik bólimshesi, Shekara qyzmeti men Jambyl oblysy Tótenshe jaǵdaılar departamentiniń jıyntyq toby, 100-ge jýyq qarý-jaraq pen áskerı tehnıka jumyldyryldy.

«Biz árqashan kez kelgen shaqyrýlarǵa daıyn bolýymyz kerek. Osy maqsatta biz kez kelgen qaýip-qaterlerge jedel áreket etý tetigin is júzinde pysyqtaý úshin osyndaı oqý-jattyǵý», - dedi «Ońtústik» óńirlik qolbasshylyǵy áskerleriniń qolbasshysy general-maıor Qaıdar Qaraqulov.


Joǵary qaraı