Aýa raıy
Astana 8 °S
Almaty 14 °S
valıýta baǵamy
USD 389.62
EUR 429.98
RUB 6.06
CNY 55.08

Jambyl oblysynda iri jol apatynan 11 adam qaza boldy

2019 jyldyń 20 sáýir 2019 11:31

TARAZ. QazAqparat - Jambyl oblysynda «Almaty-Tashkent» avtojolynyń boıynda iri jol apaty bolyp, 11 adam kóz jumdy. Taǵy 5 adam ota ústelinde, al 3 adam jan saqtaý bóliminde jatyr, dep habarlaıdy QazAqparat tilshisi.

Oqys oqıǵa týraly oblys ákiminiń baspasóz qyzmeti málimdedi.

"20 sáýir kúni tańǵy 04:15-te «Almaty-Tashkent» avtojolynyń 181-shaqyrymynda Toyota Camri jeńil avtokóligi osy baǵytta júrip bara jatqan Mersedes-Bens 814 júk kóliginiń artyna soǵylǵan. Apat saldarynan jeńil kólikte otyrǵan áıel oqıǵa ornynda kóz jumdy. Sol sátte Shymkent qalasynan Almaty qalasyna bet alǵan Van Hool avtobýsy apatqa ushyraǵan kólikti aınalyp ótpek bolyp, aýdarylyp qaldy. Avtobýstaǵy 46 jolaýshynyń 8-i oqıǵa ornynda qaza boldy. 46 azamattyń 44-i Ózbekstan azamattary, 2-eýi - qazaqstandyq",-delingen málimdemede.

Málimetke saı, oqıǵa ornyna jedel túrde Qordaı aýdanynyń ákimi, jedel járdem, tótenshe jaǵdaı qyzmetteri jetip, zardap shekkenderdi Otar, Qordaıdaǵy aýrýhanalarǵa jetkizdi.

Apatqa ushyraǵandardyń 2-eýi aýrýhanaǵa jetpeı kóz jumǵany belgili boldy. Jalpy, apat saldarynan 11 adam qaza tapty. Sondaı-aq, 5 adam ota ústelinde, al 3 adam jan saqtaý bóliminde jatyr.




null

Qazirgi tańda jaraqat alǵan basqa jolaýshylarǵa tıisti kómek kórsetilýde. Zardap shekkenderge jedel kómek kórsetý úshin oblystyq densaýlyq basqarmasynyń basshysy M. Jumanqulov bastaǵan 3 otashy-dáriger tikushaqpen Qordaı aýdanyna jetkizildi.

Aıta ketý kerek, oryn alǵan oqıǵaǵa qatysty shuǵyl arnaıy komıssııa quryldy. Onyń quramynda oblys ákiminiń birinshi orynbasary B.Orynbekov, oblystyq polıtsııa departamentiniń bastyǵy A.Orazalıev, basqa da tıisti laýazym ıeleri bar. Komıssııa oqıǵanyń ornyna baryp, jol-kólik oqıǵasynyń mán-jaıyn anyqtap, zardap shekkenderge sapaly kómek kórsetýdi uıymdastyrýda. Sonymen birge oqıǵa ornyna oblys prokýrory J.Qusaıynov ta shuǵyl jetti.



null

Apatqa qatysty Qazaqstan Respýblıkasy Qylmystyq kodeksiniń 345-babynyń 4-tarmaǵyna saı qylmystyq is qozǵaldy.

Avtor Ǵıbrat Sembaı
Basty sózder: Oqıǵa, Kólik, Jambyl oblysy,
Joǵary qaraı