Awa rayı
Nur-Sultan 12 °S
Almatı 16 °S
valyuta bağamı
USD 379.36
EUR 424.47
RUB 5.88
CNY 54.95

Jambıl oblısında іrі jol apatınan 11 adam qaza boldı

2019 jıldıñ 20 säwіr 2019 11:31 4261

TARAZ. QazAqparat - Jambıl oblısında «Almatı-Taşkent» avtojolınıñ boyında іrі jol apatı bolıp, 11 adam köz jumdı. Tağı 5 adam ota üstelіnde, al 3 adam jan saqtaw bölіmіnde jatır, dep xabarlaydı QazAqparat tіlşіsі.

Oqıs oqïğa twralı oblıs äkіmіnіñ baspasöz qızmetі mälіmdedі.

"20 säwіr künі tañğı 04:15-te «Almatı-Taşkent» avtojolınıñ 181-şaqırımında Toyota Camri jeñіl avtokölіgі osı bağıtta jürіp bara jatqan Mersedes-Bens 814 jük kölіgіnіñ artına soğılğan. Apat saldarınan jeñіl kölіkte otırğan äyel oqïğa ornında köz jumdı. Sol sätte Şımkent qalasınan Almatı qalasına bet alğan Van Hool avtobwsı apatqa uşırağan kölіktі aynalıp ötpek bolıp, awdarılıp qaldı. Avtobwstağı 46 jolawşınıñ  8-і oqïğa ornında qaza boldı. 46 azamattıñ 44-і Özbekstan azamattarı, 2-ewі - qazaqstandıq",-delіngen mälіmdemede.

Mälіmetke say, oqïğa ornına jedel türde Qorday awdanınıñ äkіmі, jedel järdem, tötenşe jağday qızmetterі jetіp, zardap şekkenderdі Otar, Qordaydağı awrwxanalarğa jetkіzdі.

Apatqa uşırağandardıñ 2-ewі awrwxanağa jetpey köz jumğanı belgіlі boldı. Jalpı, apat saldarınan 11 adam qaza taptı. Sonday-aq, 5 adam ota üstelіnde, al 3 adam jan saqtaw bölіmіnde jatır.



null 

Qazіrgі tañda jaraqat alğan basqa jolawşılarğa tïіstі kömek körsetіlwde. Zardap şekkenderge jedel kömek körsetw üşіn oblıstıq densawlıq basqarmasınıñ basşısı M. Jumanqulov bastağan 3 otaşı-därіger tіkuşaqpen Qorday awdanına jetkіzіldі.

Ayta ketw kerek, orın alğan oqïğağa qatıstı şuğıl arnayı komïssïya qurıldı. Onıñ quramında oblıs äkіmіnіñ bіrіnşі orınbasarı B.Orınbekov, oblıstıq polïcïya departamentіnіñ bastığı A.Orazalïev, basqa da tïіstі lawazım ïelerі bar. Komïssïya  oqïğanıñ ornına barıp, jol-kölіk oqïğasınıñ män-jayın anıqtap, zardap şekkenderge sapalı  kömek körsetwdі uyımdastırwda. Sonımen bіrge oqïğa ornına oblıs prokwrorı J.Qusayınov ta şuğıl jettі.


null 

Apatqa qatıstı Qazaqstan Respwblïkası Qılmıstıq kodeksіnіñ 345-babınıñ 4-tarmağına say qılmıstıq іs qozğaldı.

 

 

Avtor: Ğïbrat Sembay
Bastı sözder: Jambıl oblısı, Kölіk, Oqïğa,
Joğarı qaray