Aýa raıy
Astana 27 °S
Almaty 25 °S
valıýta baǵamy
USD 386.82
EUR 428.67
RUB 5.86
CNY 54.95

Jambyl oblysynda 38 zańsyz eńbek mıgranty ustaldy

2019 jyldyń 18 shilde 2019 22:22 292

TARAZ. QazAqparat – Jambyl oblysynda 38 zańsyz eńbek mıgranty ustaldyǵ dep habarlaıdy QazAqparat tilshisi.

Zańsyz kóshi-qon arnalaryn, sondaı-aq zańsyz kóshi-qonǵa baılanysty ózge de quqyqqa qarsy áreketterdi anyqtaý jáne jolyn kesý maqsatynda Jambyl oblysynyń aýmaǵynda «Nelegal-Jaz» jedel-aldyn alý is-sharasy ótýde.

Іs-sharanyń ekinshi kezeńi aıasynda Jambyl oblysynyń T.Rysqulov aýdany Jaqsylyq aýylynda polıtsııa qyzmetkerleri Ózbekstan Respýblıkasynyń 31 azamatyn ustady. Ustalǵandardyń barlyǵy jergilikti kirpish zaýytynda ruqsat qujatynsyz zańsyz eńbek etken. Bul týraly oblystyq polıtsııa departamentiniń baspasóz qyzmeti habarlady.

«Qazirgi tańda Ózbekstan Respýblıkasynyń azamattaryna qatysty Ákimshilik quqyq buzýshylyq týraly kodekstiń 517-baby 5-bóligi boıynsha ákimshilik materıaldar jınaqtalyp, sheshim qabyldaý úshin T. Rysqulov aýdanynyń sotyna jiberildi. Shetel azamattaryn ruqsatsyz eńbek qyzmetine zańsyz tartqany úshin jumys berýshi de QR ÁQBtK-niń 519-babynyń 1-bóligi boıynsha ákimshilik jaýapkershilikke tartyldy», - delingen habarlamada.

Sondaı-aq, 17 shildede Baızaq aýdanynyń Býryl aýylyndaǵy dúkenderdiń birinde tártipt saqshylary Qazaqstanda zańsyz júrgen jáne nan ónimderin pisirýmen aınalysqan Ózbekstan Respýblıkasynyń jeti azamatyn anyqtady.

«Ustalǵan eńbek mıgranttaryna qatysty QR ÁQBtK-niń 517-babynyń 5-bóligi boıynsha ákimshilik materıal hattama toltyryldy, al sheteldik jumys kúshin tartý erejesin buzǵany úshin nan pisiretin tsehtyń ıesine qatysty ÁQBtK-niń 519-baby boıynsha ákimshilik jaza taǵaıyndaldy. Barlyq ister Baızaq aýdanynyń ákimshilik sotyna joldandy», - deıdi oblystyq polıtsııa departamenti baspasóz qyzmetiniń jetekshisi Gúlsara Muhtarqulova.

Jambyl oblysynyń Polıtsııa departamenti shetel azamattaryn kóshi-qon tártibin buzbaýǵa jáne tıisti qujattardy ýaqtyly resimdeýge shaqyrady.

Avtor Ǵıbrat Sembaı
Basty sózder: QR ІІM, Jambyl oblysy,
Joǵary qaraı