Aýa raıy
Astana 4 °S
Almaty 7 °S
valıýta baǵamy
USD 389.86
EUR 435.32
RUB 6.12
CNY 55.12

Jambyl oblysy ákiminiń jańa orynbasary taǵaıyndaldy

2019 jyldyń 20 sáýir 2019 13:27

TARAZ. QazAqparat - Búgin Jambyl oblysy ákiminiń jańa orynbasary bolyp Kalenderov Nurjan Sábıtuly taǵaıyndaldy, dep habarlaıdy QazAqparat tilshisi.

Jańa orynbasaryn óńir basshysy Asqar Myrzaxmetov oblys aktıvimen ótken jıynda tanystyrdy.

Óz sózinde oblys ákimi Nurjan Sábıtulynyń memlekettik qyzmettegi mol tájirıbesi men biliktiligin aıta kele, jańa qyzmette de óńirdiń ekonomıkalyq-áleýmettik damýy jolynda aıanbaı eńbek etetinine senim bildirdi.

Nurjan Sábıtuly 1976 jyly týǵan. Bilimi joǵary, 1997 jyly Jambyl jeńil jáne tamaq ónerkásibi tehnologııalyq ınstıtýtyn «halyqaralyq ekonomıkalyq qatynastar»» mamandyǵy boıynsha bitirgen.

Óz eńbek jolyn 1997 jyly «Arnabol» jaýapkershiligi shekteýli seriktestiginiń býhgalteri bolyp bastaǵan. Ár jyldary «Shyń» jaýapkershiligi shekteýli seriktestiginiń býhgalteri, «Zeınetaqy tóleý jónindegi memlekettik ortalyǵy» Respýblıkalyq memlekettik qazynalyq kásipornynyń Taraz qalalyq bólimshesiniń aǵa mamany, Jambyl oblystyq fılıalynyń bas mamany, Jambyl oblysy ákimi apparatynyń bas mamany, Jambyl oblysy ákimdiginiń qarjy departamentiniń bólim bastyǵy, dırektor orynbasary, dırektory, Jambyl jáne Qordaı aýdandarynyń ákimi, Taraz qalasynyń ákimi qyzmetterin atqarǵan.

2017 jylǵy naýryzdan bastap Jambyl oblysy ákimi apparatynyń basshysy qyzmetin atqaryp keldi.

Aıta keteıik, Nurjan Sábıtuly endigi jerde ındýstrıaldy-ınnovatsııalyq damytý, ónerkásip, kásipkerlik, týrızm, eńbekti qorǵaý salalaryna jetekshilik jasaıtyn bolady.

Joǵary qaraı