Aýa raıy
Astana 13 °S
Almaty 23 °S
valıýta baǵamy
USD 389.52
EUR 429.21
RUB 6.07
CNY 54.94

Jalaqy merziminde, keshiktirilmeı berilýi tıis - Gúlshara Ábdiqalyqova

2019 jyldyń 14 naýryz 2019 14:59

ORAL. QazAqparat - Jalaqy merziminde, keshiktirilmeı berilýi tıis. Batys Qazaqstan oblysyna jumys sapary barysynda óńirdegi iri kásiporyn basshylarymen kezdesken QR Premer-mınıstriniń orynbasary Gúlshara Ábdiqalyqova osylaı málim etti, dep habarlaıdy QazAqparat tilshisi.

Onyń aıtýynsha, Elbasymyzdyń Nur Otan partııasynyń HVІІІ sezinde jańa áleýmettik sharalardy júzege asyrý jóninde tapsyrmalar júktegeni belgili.

Osyǵan oraı bıznes qaýymdastyǵy eńbek ónimdiligin arttyrý jáne ındýstrııalandyrýdy damytýmen birge áleýmettik jaýapkershilikti de umytpaýy tıis.

QR Premer-mınıstriniń orynbasary Gúlshara Ábdiqalyqovanyń sózine qaraǵanda, kópbalaly analarmen kezdeskende, olardyń aıtatyny - erleri jumys joqtyqtan úıde otyr. Sondyqtan kómekke muqtaj adamdardy nazardan tys qaldyrmaı, ásirese, kópbalaly analardy qoldaý, múmkindigine qaraı olardyń baspana máselelerin sheshýge kásiporyndardyń da úles qosqany durys.


null

Jıynǵa qatysqan QR Eńbek jáne halyqty áleýmettik qorǵaý mınıstri Berdibek Saparbaev halyqtyń ál-aýhatynyń jaqsarýy ekonomıkaǵa, al ekonomıkanyń damýy kásiporyndardyń nátıjeli jumys jasaýyna baılanysty ekendigin jetkizdi.


null

Mınıstrdiń sózine qaraǵanda, eń bastysy, áleýmettik shıeleniske jol bermeý qajet. Kásiporyn qazirgi zaman talaptaryna sáıkes jańa jabdyqtar alyp, óz óndirisin jańǵyrtýmen aınalysyp, turaqty jumys jasap otyrsa, jalaqy da ýaqtyly tólenedi. Ujymdyq kelisimsharttaǵy barlyq mindetter oryndalýy kerek. Elbasymyz alǵa qoıyp otyrǵan talaptarǵa sáıkes qysqartýdy boldyrmaı, eń tómengi jalaqyny tym bolmasa ınflıatsııa deńgeıinde ustap, jumysshy-qyzmetkerlerdiń eńbekaqysyn keshiktirmeı berip otyrý qajet.


null

«Memleket basshysy jıi nazar aýdaratyn máseleniń biri - sheteldik jáne otandyq jumysshylardyń teń quqyqty bolýy. Olarǵa jaǵdaı birdeı jasalýy kerek. Batys Qazaqstan oblysynda on shaqty sheteldik kompanııa jumys jasaıdy. Qazaqstanda bolǵannan keıin qaı kásiporyn da elimizdiń zańnamasyn saqtaýǵa mindetti. Basqasyn aıtpaǵanda, olardyń eńbekaqysynda aıyrmashylyq bolmaýy kerek. Bas prokýratýra teksergen kezde osyndaı ózgeshelikterdi taýyp jatady. Sonymen qatar kompanııa óz kásiporny ǵana emes, sol óńir aldyndaǵy áleýmettik jaýapkershiligin umytpaýy kerek. Mysaly, kópbalaly analardy baspanamen qamtý máselesin alaıyq. Olardyń arasynda turǵyn úı kezeginde turmaǵandar da az emes. Mine, óz tabys-múmkindikterin esepteı otyryp, kásiporyndar kópbalaly analardy qoldaýǵa, jumyspen qamtýǵa óz úlesin qosyp otyrsa, durys bolar edi», dedi Berdibek Saparbaev.

Joǵary qaraı