Aýa raıy
Astana 6 °S
Almaty 13 °S
valıýta baǵamy
USD 389.59
EUR 429.06
RUB 6.05
CNY 55.07

Jalaǵashta Buqarbaı batyrdyń 150 jyl burynǵy qylyshy saqtaýly tur

2019 jyldyń 26 naýryz 2019 06:29

JALAǴASh. QazAqparat - Qyzylorda oblysy Jalaǵash aýdanynda Buqarbaı batyrdyń bir jarym ǵasyrǵa jýyq ýaqyt buryn jasalǵan qylyshy jaqsy kúıde saqtalǵan, dep habarlaıdy QazAqparat tilshisi.

Buqarbaı batyr 1822 jyly Jalaǵash aýdany aýmaǵynda dúnıege kelip, 1898 jyly sol mańdaǵy Qaraózek ózeni boıynda ómirden ótken. Kenesary jetekshilik etken kóteriliske qatysyp, ult-azattyq jolynda erjúrektik qasıetin kórsetken.

Búgingi tańda Jalaǵash aýdanynda Buqarbaı batyr aýyly bar. Onda qas dushpanǵa qasqaıyp qarsy shapqan bahadúrrge arnalǵan mýzeı úıi oryn tepken. Sol tarıhı úıde kóneniń kózindeı bolǵan jádiger erekshe nazar aýdartady. Ol - batyrdyń kezinde talaı dushpanǵa ajal qushtyrǵan qaıqy qylyshy.

Bul jóninde tarıhı orynnyń qyzmetkeri Mereke Aldabergenqyzy qajetti derekterdi aıtyp beredi. Qaıqy qylysh kúni keshe paıdalanǵan dúnıe sekildi kórinedi. Atalmysh jádigerdiń eshbir jerinen shirigeni baıqala qoımaıdy. Kúni keshe ǵana paıdalanylǵan sekildi. Júziniń de maıyrylǵan jeri joq.

«Bul jádigerdi Buqarbaı batyrdyń shóberesi Jolaman Aldanazarov ótkizdi. Bolattan jasalǵan bul dúnıede eshqandaı oıý-órnektiń izi baıqalmaıdy», - deıdi Mereke Aldabergenqyzy.

Júziniń bas jaǵy azdap oıyńqy kórinedi. Sol tusy jıi-jıi qaıraqqa túsken bolýy múmkin. Qylyshtyń atalǵan tusy soǵys kezinde jaýǵa paıdalanylǵan. Qylysh aǵashtan jasalǵan qynda tur. Qynnyń qylysh salatyn buıym ekenin halyq jaqsy biledi.

Joǵary qaraı