Aýa raıy
Astana 31 °S
Almaty 32 °S
valıýta baǵamy
USD 383.43
EUR 432.47
RUB 6.12
CNY 55.78

Zańnamaǵa «lotereıa taratýshysy» uǵymy engiziledi - zań jobasy

2019 jyldyń 19 maýsym 2019 10:40 2108

ASTANA. QazAqparat - QR Parlament Májilisi «Qazaqstan Respýblıkasynyń keıbir zańnamalyq aktilerine lotereıalar jáne lotereıa qyzmeti máseleleri boıynsha ózgerister men tolyqtyrýlar engizý týraly» zań jobasy boıynsha jumysty bastady, dep habarlaıdy QazAqparat tilshisi.

«Zań jobasy lotereıalar jáne lotereıa qyzmeti salasyndaǵy zańnamany jetildirýge, sondaı-aq osy qyzmetti júzege asyrý júıesin odan ári damytýǵa baǵyttalǵan. Zań jobasynda lotereıalar jáne lotereıa qyzmeti salasyndaǵy quqyqtyq olqylyqtardyń ornyn toltyrý, sonymen qatar zańnamaǵa «lotereıa taratýshysy» uǵymyn engizý men onyń qyzmetiniń quqyqtyq negizderin anyqtaý kózdelip otyr», - dedi Májilistiń Ekonomıkalyq reforma jáne óńirlik damý komıtetiniń tóraǵasy Nurtaı Sabılıanov.

Onyń sózine qaraǵanda, atalǵan zań jobasy osy salada zańǵa qaıshy áreketterden azamattardyń jáne memlekettiń quqyqtary men zańdy múddelerin qorǵaýdy kúsheıtýdi usynyp otyr.

«Komıtet bul zań jobasyn jumysqa alýǵa jáne ol boıynsha 2020 jyldyń 18 naýryzyna deıin qorytyndy ázirleýge daıyn», - dedi N. Sabılıanov.

 

 

 

 

 

 

Avtor Rýslan Ǵabbasov
Basty sózder: Zań, Parlament,
Joǵary qaraı