Awa rayı
Astana -4 °S
Almatı -5 °S
valyuta bağamı
USD 376.30
EUR 425.22
RUB 5.68
CNY 55.63

Zağïp jandar fwtbol komandası xalıqaralıq arenağa şıqpaq

2019 jıldıñ 24 qañtar 2019 00:20 1012

ASTANA. QazAqparat - Bügіnde zağïp jandardan quralğan «Blind football Team» attı fwtbol komandası qızw dayındıq üstіnde, dep xabarlaydı QazAqparat tіlşіsі.

«Bіzdіñ fwtbol komandamız ötken jıldıñ qırküyek ayında Almatıdağı «Qayrat» fwtbol klwbınıñ bazasında qurıldı. Bul fwtbol türіnіñ erejesі boyınşa komanda ekі quramda 5\5 oyınşıdan turadı. Qazіrgі künі 12 oyınşı bar olardıñ 80% közі tolığımen körmeydі», - deydі Qazaqstandağı «Blind football» jobasınıñ üylestіrwşіsі Şıñğıs Temіrxanov. 

Onıñ aytwınşa, «Blind football Team» äzіrge jalğız komanda bolğandıqtan ol klwbtıq jäne ulttıq qurama deñgeyіnde teñdey oynaydı.

«Komanda quramına kіrw üşіn fwtbol oyınına degen erekşe ıntadan bölek, sportşınıñ jaqsı fïzïkalıq dayındığı bolwı tïіs. Ötken jıldıñ qaraşa ayında WEFA jäne IBSA uyımdarınıñ qoldawımen jattıqtırwşı, gïd, psïxolog jäne qızmet körsetwşі mamandarğa arnalğan oqıtw kwrsı uyımdastırıldı. Bügіngі tañda fwtbol komandasın jetіldіrw jäne nasïxattaw jumıstarın belsendі jürgіzwdemіz», - dedі ol.

Qazіrgі waqıtta fwtbolşılar üstіmіzdegі jıldıñ mamır ayında ötetіn Resey kwbogı men Azïya çempïonatına qızw dayındıq üstіnde. Odan bölek, 2020 jılı Tokïoda ötetіn paralïmpïadalıq oyınğa joldama alwğa qatısw da josparda bar.

«Blind football»-dıñ erejesі boyınşa komanda quramında 5 adam oynaydı, onıñ törtewі zağïp jandar, besіnşіsі qorğawşı, ol közі köretіn oyınşı bolwı şart. Sonımen qatar, qajet jağdayda oyınşılar awısa aladı jäne bіr oyın 20-25 mïnwtqa sozıladı. Tağı bіr ayta keterlіgі, fwtbol oynaytın 4 oyınşığa arnayı közіldіrіk berіledі. Onıñ ekі maqsatı bar, bіrіnşі qorğaw quralı retіnde, ekіnşіden ädіldіk üşіn. Öytkenі, är oyınşınıñ körw deñgeyі ärtürlі, yağnï bіrewler ortaşa, al bіrewler tömen deñgeyde köredі, al közіldіrіkten eşteñe körіnbeydі. Odan bölek, oyınşılarğa jön sіltep turatın arnayı gïd mamandarı bar, olar qaqpanıñ qasında turadı jäne oyın alañınıñ ekі jaq şetіnde jattıqtırwşıları turadı, olardıñ öz oyınşılarına jön sіltewge quqıqtarı bar», -deydі Ş.Temіrxanov.

Ayta ketsek, zağïp jandarğa arnalğan «Blind football» sport türіnen alğaş ret älem çempïonatı 1986 jılı Ïspanïyada öttі, al 2004 jıldan bastap atalğan fwtbol türі paralïmpïada oyındarınıñ tіzіmіne engіzіldі. 

 

 

Avtor: Däwlet Іztіlew
Bastı sözder: Sport,
Joğarı qaray