Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

Ystyq klızmaǵa kúıip qalǵan bala aýrýhanadan shyqty

2019 jyldyń 24 sáýir 2019 10:15

ALMATY. QazAqparat - Almatyda Balalar pedıatrııasy jáne hırýrgııasy ortalyǵynan ystyq klızmaǵa kúıip qalǵan 10 aılyq sábı úıine shyǵaryldy, dep habarlaıdy QazAqparat tilshisi.

Búldirshin 23 sáýirde úıine qaıtaryldy.

«Balanyń jaǵdaıy jaqsy. Kúıigi tolyq jazyldy. Bolashaqta balanyń densaýlyǵyna kinárat bolmaıdy. Bala 19 kún boıy emdeldi. Qazir qyzýy joq, tábeti jaqsy», - dedi Ortalyqtyń mamandary.

Munyń aldynda Shymkent aýrýhanasynda ystyq sýmen jasalǵan klızmadan kúıip qalǵan sábı Almatydaǵy Pedıatrııa jáne balalar hırýrgııasy ǵylymı ortalyǵynda em qabyldap jatqanyn jazǵan bolatynbyz.

Eske sala keteıik, Shymkent aýrýhanalarynyń birinde medbıke 10 aılyq nárestege klızmany ystyq sýmen jasaǵan. Saldarynan bala kúıik jaraqatymen aýrýhananyń jansaqtaý bóliminen bir-aq shyqty.

Oqıǵaǵa qatysty Densaýlyq saqtaý mınıstri Eljan Birtanov pikir bildirgen bolatyn.

Atalǵan fakti boıynsha 2 medbıke jumystan shyǵaryldy, bas medbıke qyzmetinen alyndy, bas dárigerdiń orynbasary men emdeýshi dárigerge qatań sógis jarııalandy.

Avtor Gúlmıra Ǵosmanálı
Basty sózder: Medıtsına, Oqıǵa, Almaty,
Joǵary qaraı