Awa rayı
Nur-Sultan 24 °S
Almatı 30 °S
valyuta bağamı
USD 377.18
EUR 426.14
RUB 5.98
CNY 54.86

WhatsApp-ta xabarlamanı dostarıñmen bölіswge şektew qoyıldı

2019 jıldıñ 21 qañtar 2019 21:28 904

ASTANA. QazAqparat - Facebook Inc engіzgen jaña erejelerge säykes, WhatsApp messendjerіn paydalanwşılarğa bіr xabarlamanı besten köp adamğa qayta jіberwge tıyım salındı. Kompanïya bul şeşіm jalğan aqparattarmen kürestі küşeytw üşіn jasalıp otırğanın xabarladı.

«Kompanïyanıñ sayasat jäne kommwnïkacïya boyınşa vïce-prezïdentі Vïktorïya Grand Djakartada ötken şarada atalğan şektew twralı ayttı. Bıltır jaz ayında Ündіstandağı tutınwşılarğa twra osınday şektew qoyılğan edі. Älem boyınşa jïırma adamğa xabarlamanı qayta jіberwge bolatın edі. Endі barlıq elderdegі messendjer paydalanwşıları osı erejege bağınadı», - dep jazdı The Guardian basılımı.

Basılımnıñ resmï sawalına jawap bergen WhatsApp kompanïyasınıñ kommwnïkacïya bölіmіnіñ basşısı Karl Vwg tutınwşılardıñ eñ jaqın aralasatın dostarınıñ sanı besewden aspaydı dep oylaytındıqtan, osı şektewge toqtalğanın aytqan. «Bul messendjerdі terіs maqsatta paydalanwğa şektew qoyadı dep oylaymız», - dedі ol.

Esterіñіzge sala ketsek, bıltır Ündіstanda atalmış qosımşa arqılı balalar urlığı twralı tarağan xabarlamalar legіnen keyіn, kelіp tüsken xabarlamanı bes adamğa ğana qayta jіberwge şektew qoyılğan bolatın. Ündіstanda WhatsApp messendjerіnіñ 200 mïllïon tutınwşısı bar.

 

 

 

Avtor: Aykümіs Bolatbek
Bastı sözder: Qoğam,
Joğarı qaray