Aýa raıy
Astana 8 °S
Almaty 9 °S
valıýta baǵamy
USD 389.98
EUR 434.01
RUB 6.10
CNY 55.04

WBA Shúmenovtiń chempıondyq tıtýlyna qatysty resmı aqparat taratty

2019 jyldyń 20 mamyr 2019 23:18

NUR-SULTAN. QazAqparat - Qazaqstandyq kásipqoı boksshy Beıbit Shúmenovtiń (18-2, 12KO) frantsııalyq Arsen Gýlamırıanmen (24-0, 16KO) jekpe-jegi ne sebepti ótpegendigi belgili boldy, dep habarlaıdy QazAqparat.

VKontakte áleýmettik jelisindegi «Qazaqstannyń kásipqoı boksy» paraqshasyndaǵy aqparatqa sáıkes, Dúnıejúzilik boks qaýymdastyǵy (WBA) B.Shúmenovtiń chempıondyq tıtýlyna qatysty máselege túsinik berdi.

Aıta ketsek, bıylǵy jyldyń basynda WBA Shúmenovke birinshi aýyr salmaqtaǵy álemniń «ýaqytsha» chempıony tegi armıan frantsııalyq Arsen Gýlamırıanmen aıqas ótkizýdi mindettedi. Promoýterlik saýda-sattyqty Shúmenovtiń ókili Don Kıng jeńip aldy. Gýlamırıannyń bapkeri Abel Sanches The Ring Digital-ǵa taıaýda bergen suhbatynda qazaqstandyq boksshynyń kezekti jaraqatyna baılanysty jekpe-jek ótpeýi múmkindigin aıtqan bolatyn.

Osyǵan qatysty WBA-diń resmı saıtynda kelesideı aqparat ornalastyryldy. «Beıbit Shúmenov 2018 jyldyń 7 shildesinde Hıznı Altýnkaıdy jeńip, vakantty tıtýldy ıelendi. 2019 jyldyń 28 qańtarynda Chempıondyq komıtet Shúmenov-Gýlamırıan tıtýldyq jekpe-jegi ótetindigi týraly habarlady. Don King Productions saýda-sattyqty jeńip aldy jáne aıqas 11 mamyrǵa josparlanǵan edi. 2019 jyldyń 10 mamyrynda Don King Productions Shúmenov densaýlyq jaǵdaıy boıynsha da, fızıkalyq turǵyda da óz tıtýlyn qorǵaı almaıtynyn, sondaı-aq sońǵy birneshe aıda jattyǵý ótkizýge jáne bokspen aınalysýǵa densaýlyǵy múmkindik bermegenin málim etti. Osyǵan sáıkes, Shúmenovti «ýaqytsha demalystaǵy chempıon» dep atap ótemiz», - delingen onda.

Shúmenov-Gýlamırıan kezdesýine qatysty saýda-sattyqty qazaq boksshysynyń promoýteri jeńip alǵany týraly buǵan deıin jazǵan bolatynbyz.


«Saýda-sattyqta 821 myń AQSh dollaryn usynǵan Shúmenovtiń promoýteri Don Kıng jeńiske jetti. Bul, Gýlamırıan usynǵan taraptyń somasynan 200 myńǵa kóp. WBA erejesi boıynsha, syıaqy Shúmenovtiń paıdasyna 55-ke 45 paıyzdyq qatynasta úlestiriledi. Osylaısha, Beıbit bul aıqas úshin 451 550 AQSh dollaryn, al onyń qarsylasy - 369 450 dollar alady. Saýdanyń eń tómengi mólsherlemesi 200 myń dollar boldy», - delingen edi «Qazaqstannyń kásipqoı boksy» paraqshasyndaǵy aqparatta.

Avtor Mıra Tólendiqyzy
Basty sózder: Sport, Boks,
Joǵary qaraı