Awa rayı
Nur-Sultan 23 °S
Almatı 27 °S
valyuta bağamı
USD 382.38
EUR 428.30
RUB 5.97
CNY 55.39

Volonterlar jılı, Prezïdentke usınıs: Qazaqstan men Resey jastarı forwmında ne aytıldı

2019 jıldıñ 22 mamır 2019 00:45 2176

QOSTANAY. QazAqparat - Qostanayda ekі künge sozılğan Qazaqstan men Resey jastarınıñ ıntımaqtastıq forwmı märesіne jettі, dep xabarlaydı QazAqparat tіlşіsі.

Jañadan aşılğan Jastar sarayına Qazaqstan men Reseyden kelgen mıñnan astam jas jïnaldı. Olar munda körme stendterіn uyımdastırıp, jastar jobalarınıñ tusawkeser alañdarın qurdı. Forwm taqırıbı jastardıñ volonterlіk jobalarğa qatıswına arnaldı. Intımaqtastıqtı arttırwğa müddelі ekі eldіñ qoğamdıq uyımdarınıñ ökіlderі öz jobaların tanıstırsa, keybіrі xalıqaralıq därejedegі bastamalar twralı oy bölіstі.

Forwm jumısına Memleket basşısı Qasım-Jomart Toqaev qatıstı.




Qazaqstandağı «Ulttıq erіktіler jelіsі» uyımınıñ törayımı Vera Kïm 2020 jıldı Erіktіler jılı dep jarïyalawdı usındı. Onıñ aytwınşa, elde 200-den astam volonterlіk uyım tіrkelgen.

«Qazaqstanda erіktіler qozğalısı jaqında ğana payda boldı. Bіz munı eldegі awqımdı іs-şaralarmen baylanıstıramız. Osı waqıt іşіnde bіz erіktіlerdіñ özіndіk jobaların jasadıq. Buğan memleket jaqsı qoldaw bіldіrіp keledі. Sol sebeptі kelesі jıldı Erіktіler jılı dep jarïyalawdı usınamın», - dedі V. Kïm.





Qazaqstan Prezïdentі bul usınıstı tolığımen qoldaytının atap öttі.

«Jas dostar! Bügіn men barlıqtarıñızdı osı zalda qawıştırğanıma qwanıştımın. Sіzder - eldіñ bolaşağısızdar. Qazaqstan - jastardıñ memleketі. Bіzdі älemnіñ är memleketі tanïdı, bіzben sanasadı. Bul eldіñ tarïxï jetіstіkterіnіñ bіrі emes pe!? QR Prezïdentі retіnde volonterlardıñ qozğalısın ärqaşan qoldaytınımdı jetkіzemіn», - dedі ol.

Memleket basşısı 2016 jılı erіktіlerdіñ märtebesіn, quqığı men mіndetterіn jäne memlekettіk qoldaw şaraların bekіtetіn «Volonterlіk qızmet twralı» zañ qabıldanğanın atap öttі.  2017 jılı «EKSPO» xalıqaralıq mamandandırılğan körmesі jastardı jappay volonterlіk qozğalısqa tartw іsіn bastap berdі. Al bïıl Qazaqstandağı volonterlіktі damıtwdıñ jaña kezeñі boladı.




Qasım-Jomart Toqaev Jastar jılı ayasında ötkіzіletіn negіzgі іs-şaralarğa toqtaldı. «Jastardıñ bïznes-bastamaların damıtwğa arnalğan «Jas käsіpker» bağdarlaması ekonomïkanıñ negіzgі sektorlarındağı startaptarğa qoldaw körsetwge mümkіndіk beredі. Qızmetі men bіlіmі joq jumısqa ornalaspağan jastardıñ mäselesі şeşіlwde. Jumıspen qamtw, eñ aldımen, eñbek täjіrïbesі joq jastar jönіnde arnayı bağdarlama qabıldanwda. Bіlіktі jas mamandardı qoldaw küşeye tüsedі», - dedі Prezïdent.

Sonımen qatar, ol Qazaqstan men Reseydegі volonterlar qozğalısınıñ bolaşağı twralı ayta kelіp, erіktі jastardı qoldaw şaraların köbeytwdі usındı.

«Bügіn sіzderge, jas urpaqqa bіrneşe usınıs jasamaqpın. Solardıñ bіrі - volonterlar qozğalısın damıtw. Bіrіnşіden, erіktі jastardı keşendі türde qoldaw şaraların bekіtw qajet. «Jıl volonterі» xalıqaralıq sıylığın tağayındawdı usınamın. Bul sıyaqı ekі eldіñ üzdіk volonterlіk jobalarına tapsırıladı. Osı arqılı olardıñ belsendіlіgіn arttırwğa jağday jasaymız», - dedі Qasım-Jomart Toqaev.

Forwm barısında RF erіktіler ortalıqtarı qawımdastığı keñesіnіñ törağası Artem Metelev Memleket basşısına arnayı usınıs jasadı. «Reseyde özіnіñ іrgelі jobalarımen tanılğan volonterler toptarı bar. Bіz olardı bіr qawımdastıqqa jïnadıq. Olardıñ köbі Qostanayğa kelіp, täjіrïbesіmen bölіstі. Mısalı, bіzdegі «Erіktі därіgerler» tobı medïcïnalıq personalğa edäwіr kömekterіn tïgіzіp jür. Olar endі Qazaqstannıñ medïcïnalıq uyımdarımen memorandwmğa qol qoyuğa nïettі. Tağı sonday іlkіmdі jobalardıñ bіrі - «Menіmen bіrge armanda». Munda jastar qawіptі awrwğa şaldıqqan jandarğa kömek qolın sozadı. Mіne, osınday bastamalardı Qazaqstanda jasağımız keledі. Ekі eldіñ erіktіlerі täjіrïbe almasıp, ortaq jobalarğa jumılsaq, volonterlıq salasın damıtwğa üles qosamız. Qazaqstan tarapınan qoldaw bolsa, bağdarlamalarımız dayın», - dedі ol Memleket basşısına qarata.  

Öz kezegіnde Q. Toqaev elіmіzdіñ ozıq oylı jastarı ğılımda, ІT-texnologïyada, mädenïet, bïznes jäne sport salalarında jaqsı nätïjelerge qol jetkіzіp jürgenіn atap öttі. Sonımen qatar, erіktіler tobınıñ jobaların qoldaytının jetkіzdі.




Sonday-aq şara ayasında QR Aqparat jäne qoğamdıq damw mïnïstrі Däwren Abaev ta bіrqatar oy-pіkіrіn, usınısın bіldіrdі.

Mïnïstr atalğan forwmnıñ täjіrïbe almaswğa jäne ekі el arasındağı ıntımaqtastıq pen dostıqtı nığaytw mäselelerіn talqılawğa qızmet etetіnіne senіm bіldіrdі. «2019 jıl elіmіzde Jastar jılı dep jarïyalandı jäne osınıñ arqasında bіz jastardıñ qatıswımen awqımdı іs-şaralar ötkіzіp kelemіz. Mağan är jerde osı Jastar jılına qatıstı suraqtardı qoyıp jatadı. Rasımen de, Jastar jılınıñ mіndetі qanday bolmaq? Memleket jastardı qoldaydı ma, ärïne, qoldaydı. Kerіsіnşe, täwelsіzdіk alğan jıldardan bastap jastar el sayasatınıñ bel ortasında jürdі. Tіptі, qïındığı mol toqsanınşı jıldarı Elbası «Bolaşaq» bağdarlamasın bastap, jastarğa jol aştı. Qazіr osı bağdarlamamen oqıp kelgen jastar eldіñ är tükpіrіnde jemіstі eñbek etіp jatır. Bul sіzderge ülgі bolwı tïіs», - dedі vedomstvo basşısı.

Ol volonterlіk jobalardı barınşa qoldaytının jetkіzdі. Sebebі, bügіnde qoğamnıñ jüyelі türde damwı üşіn erіktіler qajet.

«Olar öz oyların aşıq ayta aladı. Mäselen, ultımızda «Asar» degen ädemі dästür bar. Munıñ mağınası tereñde jatır. Kez kelgen adamğa köp bolıp, jumıla kömektesw qay zamanda da bolğan. Osı ürdіstі toqtatıp almawımız kerek», - dep tüydі Däwren Abaev.




Keyіn mïnïstr forwm ayasında ötkіzіlgen senbіlіkke qatıstı. Şarağa atsalısqan top Tobıl özenіnіñ jağalawın tazarttı.

«Qazaqstanda 48 özen bolsa, olardıñ tek ekewі sanïtarlıq normalarğa say keledі. Mіne, bügіngі akcïya ayasında olardıñ sanı üşke köbeydі. Tobıl özenі Resey men Qazaqstandı baylanıstırıp tur. Taza sw - taza ömіrdіñ kepіlі іspettі. Sol sebeptі barlığıñızdı osı senbіlіkke qatıswğa şaqıramın», - degen bolatın mïnïstr.

Qostanay oblısınıñ äkіmі Arxïmed Muxambetov forwmğa kelgen qonaqtarğa alğıs aytıp, şaranıñ mañızdılığına toqtaldı.

«Ekі eldіñ köp jıldıq ıntımaqtastığı men ärіptestіgіnіñ arqasında bügіn bіz mañızdı іs-şaranı uyımdastırıp otırmız. Bіzdіñ jastarımız dästür men ult sabaqtastığın saqtawda ayrıqşa jumıs atqarıp keledі. Bügіnde Qostanay oblısında 170 mıñnan astam jas ömіr süredі. Öz kezegіnde oblısta olardıñ jan-jaqtı damwı üşіn barlıq jağday jasalwda. Osı forwmda öñіrdegі tıñ jobalarmen tanıs bolasızdar», - dedі aymaq basşısı.

 

 

 

Joğarı qaray