Aýa raıy
Astana 18 °S
Almaty 32 °S
valıýta baǵamy
USD 384.52
EUR 431.32
RUB 6.10
CNY 55.89

Voleıboldan jazǵy spartakıadanyń jeńimpazdary anyqtaldy

2019 jyldyń 18 maýsym 2019 18:50 1694

ORAL. QazAqparat - Oralda voleıboldan erler men áıelder arasynda QR V jazǵy spartakıadasy oıyndary márege jetti, dep habarlaıdy QazAqparat tilshisi.

Tórt jylda bir ret ótetin aıtýly dodaǵa erler arasynda Almaty, Aqtóbe, Atyraý, Batys Qazaqstan, Mańǵystaý jáne Soltústik Qazaqstan oblystarynyń komandalary qatysyp, baq synady.

null 

BQO quramasy (bas bapkeri Aleksandr Stolnıkov) qarsylastarynyń bárin 3:0 esebimen tize búktirip, chempıon atandy. Soltústikqazaqstandyqtar ekinshi, Almaty oblysy úshinshi orynǵa kóterildi.

Túrkistannan kelgen jarystyń bas qazysy, halyqaralyq dárejedegi tóreshi Mamash Omarovtyń aıtýynsha, batysqazaqstandyqtar barlyǵynan bir bas joǵary turdy. Olar bir partııany da bergen joq.

«Budan onshaqty jyl buryn Oralda voleıbol jaqsy damydy. «Kondensat» ulttyq lıgada óner kórsetti. Osy spartakıadadan keıin voleıbol Batys Qazaqstanda qaıta jandanady dep senemiz», dedi QazAqparat tilshisine M.Omarov.

Budan eki jyl buryn Qazaqstannyń namysyn qorǵap, Azııa chempıonatynyń kúmis júldegeri atanǵan halyqaralyq dárejedegi sport sheberi, lıbero oıynshy Qaırat Baıbekovtiń málim etkenindeı, Batys Qazaqstannyń namysyn qorǵaý úshin qazirgi kezde jan-jaqta júrgen voleıbolshylar jınaldy. Komanda kapıtany Vıtalıı Vorıvodın, Anton Kýznetsov, Vladımır Prokofev, Denıs Kýcherov, lıbero Mırlan Badashev, jas baılanystyrýshy Azamat Rahovtardyń barlyǵy da jeńiske óz úlesterin qosty.

null 

«Oralda ulttyq lıgada oınaıtyn komanda jasaqtaý úshin demeýshi joq dep estip jatyrmyz. Qarjy kózi tabylsa, basqa qalalarda júrgen voleıbolshylarymyz osynda keler edi dep oılaımyn. Oǵan qosa bizden keıin de bolashaǵynan úmit kúttiretin jastar ósip kele jatyr. Sergeı Kazak, Vladımır Mazýr sekildi jattyqtyrýshylar bizdiń izbasarlarymyzdy daıyndaýda», dedi Qaırat Baıbekov.

null 

Áıelder arasynda jazǵy spartakıadaǵa barlyǵy segiz komanda qatysty.

Altyn júlde úshin básekede BQO quramasyn 3:0 esebimen utqan Almaty qalasy komandasy jeńimpaz atandy. Qaraǵandylyqtar úshinshi orynǵa ilikti.

 

 

Avtor Eljan Eraly
Basty sózder: Sport, Batys Qazaqstan oblysy,
Joǵary qaraı