Awa rayı
Astana 2 °S
Almatı 13 °S
valyuta bağamı
USD 378.17
EUR 429.11
RUB 5.88
CNY 56.48

Üy alamın dep aldanıp qalğan aqtöbelіkter prokwratwrağa arızdandı

2019 jıldıñ 18 aqpan 2019 15:08 490

AQTÖBE. QazAqparat - «Nurlı jer» bağdarlamasımen üy almaq bolıp, aldanıp qalğan aqtöbelіkter prokwratwrağa arızdandı, dep xabarlaydı QazAqparat tіlşіsі.

Bügіn bіr top aqtöbelіk päter alıp berwge wäde etken «Capital to life» kompanïyasınıñ keñsesіne tağı bardı. Keybіrі 3-4 aydan berі jürse, aldı 1 jıl boyı aqşasın dawlap, ala almay älek. Olardıñ sözіnşe, kompanïya basşılığı «Nurlı jer» memlekettіk bağdarlaması boyınşa üy alıp bermek bolğan.

«Capital to life» kompanïyasına aqşa salıp, öz qarjısın qaytara almay jürgen 18 adam bіrіktі. Bіzder älewmettіk jelіge şıqqan jarnamanı kördіk. Onda nesïe tarïxına, aylıq tabısına qaramay, «Nurlı jer» bağdarlaması boyınşa päter qunınıñ 35 payızın jïnawğa keñes berіldі. Päterdі özіmіz tañdaymız. 8-10 jılğa 7-10 payızdıq üstemeaqımen nesïe berіletіn boldı. Men 3,5 mïllïon teñge turatın üydі taptım. Özіmnіñ 1 mïllïon 400 mıñ teñge aqşamdı saldım. Ekіnşі deñgeylі bank arqılı JŞS-nіñ dïrektorı Janat Esnïyazovanıñ esepşotına aqşa awdardım. Kelіsіmşart boyınşa ekі aydan keyіn päterge ïe bolatınımızdı ayttı. Qolımda mügedek äkem bar», - dedі zardap şekken Jіbek Ïmanğazïeva.

null  

Arman Sovetov bolsa 2018 jıldıñ qaraşa ayında «Capital to life» JŞS-ne 1,5 mïllïon teñge aqşa awdarğan.  

«Özіm Qandıağaş qalasında turamın. Kompanïyağa 1,5 mïllïon teñge, päter ïesіne 1 mïllïon teñge aqşa berdіm. Qaladağı üy 5 mïllïon 200 mıñ teñgege eseptelіp edі. Men keñsege künde kelemіn, aqşamdı qaytarğım keledі. Memlekettіk bağdarlamağa uqsas degen soñ keldіm. Ekі ayda baspanalı bolasıñ degen usınıs unadı. Soñında özіm päter jaldap, ekі şığınğa batıp jürmіn», - dedі Arman Sovetov.

Al «Capital to life» kompanïyasınıñ jetekşіsі Janat Esnïyazovanıñ aytwınşa, bağdarlamanıñ atawı «Nurlı üy» jäne ol jekemenşіk joba. Qazіr üş salımşı sotqa, prokwratwrağa arız tüsіrgen.  

null

«Kelіsіmşart boyınşa aqşa 60 künde qaytarıladı. Bіraq sotqa arız jazğan adamdar sot şeşіmіn kütedі. Bul memlekettіk kompanïya emes, jeke ïnvestorımız bar. «Nurlı üy» bağdarlaması özіmіzge tïesіlі», - dedі ol.

Ayta keteyіk, «Capital to life» JŞS-ğa aqşa salıp, qaytara almay jürgen salımşılar bügіn oblıstıq prokwratwrağa tağı arız qaldırdı.

«Turğındar bіrіnşі ret oblıstıq prokwratwrağa keldі. Aytwlarınşa, 2 aqpan künі Aqtöbe qalalıq prokwratwrasına arız jazğan eken. Qalalıq prokwratwra іstі oblıstıq polïcïya departamentіne jіbergen. Іs qozğalmaydı degen şağım bar. Bіz turğındardıñ şağımın qabıldap, tekserw jürgіzemіz. Arız 15 künde qaraladı», - dedі oblıstıq prokwratwranıñ apparat jetekşіsі Jasulan Orınbasarulı.

 

 

 

Joğarı qaray