Aýa raıy
Astana 8 °S
Almaty 14 °S
valıýta baǵamy
USD 389.98
EUR 434.01
RUB 6.10
CNY 55.04

Úı alamyn dep aldanyp qalǵan aqtóbelikter prokýratýraǵa aryzdandy

2019 jyldyń 18 aqpan 2019 15:08

AQTÓBE. QazAqparat - «Nurly jer» baǵdarlamasymen úı almaq bolyp, aldanyp qalǵan aqtóbelikter prokýratýraǵa aryzdandy, dep habarlaıdy QazAqparat tilshisi.

Búgin bir top aqtóbelik páter alyp berýge ýáde etken «Capital to life» kompanııasynyń keńsesine taǵy bardy. Keıbiri 3-4 aıdan beri júrse, aldy 1 jyl boıy aqshasyn daýlap, ala almaı álek. Olardyń sózinshe, kompanııa basshylyǵy «Nurly jer» memlekettik baǵdarlamasy boıynsha úı alyp bermek bolǵan.

«Capital to life» kompanııasyna aqsha salyp, óz qarjysyn qaıtara almaı júrgen 18 adam birikti. Bizder áleýmettik jelige shyqqan jarnamany kórdik. Onda nesıe tarıhyna, aılyq tabysyna qaramaı, «Nurly jer» baǵdarlamasy boıynsha páter qunynyń 35 paıyzyn jınaýǵa keńes berildi. Páterdi ózimiz tańdaımyz. 8-10 jylǵa 7-10 paıyzdyq ústemeaqymen nesıe beriletin boldy. Men 3,5 mıllıon teńge turatyn úıdi taptym. Ózimniń 1 mıllıon 400 myń teńge aqshamdy saldym. Ekinshi deńgeıli bank arqyly JShS-niń dırektory Janat Esnııazovanyń esepshotyna aqsha aýdardym. Kelisimshart boıynsha eki aıdan keıin páterge ıe bolatynymyzdy aıtty. Qolymda múgedek ákem bar», - dedi zardap shekken Jibek Imanǵazıeva.


null

Arman Sovetov bolsa 2018 jyldyń qarasha aıynda «Capital to life» JShS-ne 1,5 mıllıon teńge aqsha aýdarǵan.

«Ózim Qandyaǵash qalasynda turamyn. Kompanııaǵa 1,5 mıllıon teńge, páter ıesine 1 mıllıon teńge aqsha berdim. Qaladaǵy úı 5 mıllıon 200 myń teńgege eseptelip edi. Men keńsege kúnde kelemin, aqshamdy qaıtarǵym keledi. Memlekettik baǵdarlamaǵa uqsas degen soń keldim. Eki aıda baspanaly bolasyń degen usynys unady. Sońynda ózim páter jaldap, eki shyǵynǵa batyp júrmin», - dedi Arman Sovetov.

Al «Capital to life» kompanııasynyń jetekshisi Janat Esnııazovanyń aıtýynsha, baǵdarlamanyń ataýy «Nurly úı» jáne ol jekemenshik joba. Qazir úsh salymshy sotqa, prokýratýraǵa aryz túsirgen.


null

«Kelisimshart boıynsha aqsha 60 kúnde qaıtarylady. Biraq sotqa aryz jazǵan adamdar sot sheshimin kútedi. Bul memlekettik kompanııa emes, jeke ınvestorymyz bar. «Nurly úı» baǵdarlamasy ózimizge tıesili», - dedi ol.

Aıta keteıik, «Capital to life» JShS-ǵa aqsha salyp, qaıtara almaı júrgen salymshylar búgin oblystyq prokýratýraǵa taǵy aryz qaldyrdy.

«Turǵyndar birinshi ret oblystyq prokýratýraǵa keldi. Aıtýlarynsha, 2 aqpan kúni Aqtóbe qalalyq prokýratýrasyna aryz jazǵan eken. Qalalyq prokýratýra isti oblystyq polıtsııa departamentine jibergen. Іs qozǵalmaıdy degen shaǵym bar. Biz turǵyndardyń shaǵymyn qabyldap, tekserý júrgizemiz. Aryz 15 kúnde qaralady», - dedi oblystyq prokýratýranyń apparat jetekshisi Jasulan Orynbasaruly.

Joǵary qaraı