Aýa raıy
Astana -4 °S
Almaty 3 °S
valıýta baǵamy
USD 389.98
EUR 434.01
RUB 6.10
CNY 55.04

Úndistandy aptap ystyq býyp tur: 29 adam ajal qushty

2019 jyldyń 17 maýsym 2019 00:17

NUR-SULTAN. QazAqparat - Bir aıdan beri Úndistannyń soltústigi men shyǵysyn aptap ystyq býyp tur. Eldiń soltústik shyǵysyndaǵy Bıhar shtatynda kem degende 29 adam kóz jumdy, dep habarlaıdy Times of India gazeti.

Basylymnyń derekterine sáıkes, qaıtys bolǵandardyń basym bóligi - 25 adam Aýrangabad okrýginiń turǵyndary, qalǵan tórteýi Navada jáne Gaııa okrýgterinen.

Bulardan basqa taǵy 30-dan astam adam aýrýhanaǵa jatqyzylǵan.

Bıharda sońǵy birneshe apta boıy bul maýsymǵa tán emes aptap ystyq saqtalyp tur. Termometr baǵany kúndiz 40 gradýstan tómen túspeıdi. Al Nıý-Delıde 10 maýsymda 50 gradýstan asyp ketti. Bul Úndistan astanasy tarıhyndaǵy eń joǵary temperatýra.

Bıyl mýssonnyń Úndistanǵa keshigýi aýa raıynyń uzaq ýaqyt ystyq bolýyna soqtyrdy.

Sınoptıkterdiń atap ótýinshe, 30 kúnnen beri aptaptyń beti qaıtpaı otyr.

Basty sózder: Aýa raıy, Álem,
Joǵary qaraı