Aýa raıy
Astana -4 °S
Almaty 1 °S
valıýta baǵamy
USD 388.81
EUR 429.01
RUB 6.08
CNY 55.49

Úndistanda gaz ballony jarylyp, ǵımarat opyrylyp tústi: 10 adam kóz jumdy

2019 jyldyń 14 qazan 2019 13:11

MOHAMMADABAD. QazAqparat – Úndistannyń Ýttar-Pradesh shtatynyń Mohhamadabad qalasyndaǵy turǵyn úı páterleriniń birinde gaz ballony jarylyp, eki qabatty ǵımarat qulady. Saldarynan kem degende 10 adam kóz jumdy, dep habarlaıdy QazAqparat India Today-ge silteme jasap.

PTI aqparattyq agenttigi, atap aıtqanda, bas hatshysy Avanısh Avasthı atalmysh aqparatty rastady. Onyń aıtýynsha, qazirgi tańda jarylys saldarynan kóz jumǵandar sany 10 adamdy qurap otyr. Sondaı-aq, 15 adam aýyr jaraqat alǵan.

Qurbandar sany ósýi múmkin, sebebi birneshe adam ǵımarattyń ishinde, úıindi astynda qalyp qoıǵan. Qazirgi tańda úıindi astynan adamdardy shyǵarý úshin qutqarý operatsııasy júrip jatyr.

Úndistannyń Ýttar-Pradesh shtatynyń bas mınıstri Iogı Adıtıanat tıisti tulǵalarǵa jaralanǵan adamdarǵa qajet medıtsınalyq kómekti kórsetýdi tapsyrdy. Sondaı-aq, ol kóz jumǵandardyń otbasyyna qaıǵyryp kóńil aıtty.

Basty sózder: Álem, Oqıǵa,
Joǵary qaraı