Aýa raıy
Astana 20 °S
Almaty 34 °S
valıýta baǵamy
USD 384.52
EUR 431.32
RUB 6.10
CNY 55.89

Ulytaýda ótken «Kókmaısa» etnofestıvaline 6 myńnan astam halyq jınaldy

2019 jyldyń 18 maýsym 2019 16:31 660

QARAǴANDY. QazAqparat - Qaraǵandy oblysynyń Ulytaý aýylynyń mańynda ótken «Kókmaısa» festıvali aıaqtaldy. Úsh kúnge ulasqan sharaǵa elimizdiń túpkir-túpkirinen 6000-nan astam adam jınaldy, dep habarlaıdy QazAqparat tilshisi.

Ulytaý aýdanynda 14-16 maýsym aralyǵynda «Kókmaısa» etnofestıvali ótti. Bıyl uıymdastyrýshylar qonaqtar men qatysýshylar úshin erekshe baǵdarlama daıyndaǵan.

null 

«Biz osy jyly sadaq atý, kókpar jáne qyz qýý sııaqty ulttyq oıyndardy qostyq. Respýblıkalyq ǵylymı-tájirıbelik konferentsııa da - bıylǵy sharanyń jańalyǵy boldy. Sonymen qatar, Jastar jyly bolǵandyqtan, biz «Altybaqan áýenderi» merekesin uıymdastyrdyq. Festıvalge barlyǵy 6000-nan astam adam qatysty», - dedi Ulytaý aýdany ákiminiń orynbasary Baǵdat Baıjantaev.

null  

«Kókmaısa» etnofestıvaline qonaqtar búkil Qazaqstannan jınaldy. Sharanyń ashylý saltanatynda jınalǵan qaýym nazaryna teatrlandyrylǵan qoıylym usynyldy. «Edige taý - eski jurt eskertkishi» atty ǵylymı-tájirıbelik konferentsııada L. N. Gýmılev atyndaǵy Eýrazııa ulttyq ýnıversıtetiniń professory, tarıh ǵylymdarynyń doktory Jambyl Artyqbaev sóz sóıledi. Sonymen qatar, konferentsııaǵa L. N. Gýmılev atyndaǵy Eýrazııa ulttyq ýnıversıtetiniń professory, tarıh ǵylymynyń doktory Tilegen Sadyqov, S. Seıfýllın atyndaǵy Qazaq agrotehnıkalyq ýnıversıtetiniń Qazaqstan tarıhy kafedrasynyń meńgerýshisi, tarıh ǵylymdarynyń kandıdaty Ómirbaı Bekmaǵanbetov, jazýshy, Qazaqstan Jazýshylar Odaǵynyń múshesi, Edige batyrdy zertteýshi Kámel Júnistegi jáne Qazaqstan Jýrnalıster Odaǵynyń múshesi Tórehan Maıbas qatysty.

null 

Festıval baǵdarlamasynda qoldanbaly óner boıynsha baıqaýlar men sheberlik sabaǵy boldy. Qonaqtar dástúrli túrde daıyndalǵan qymyz men qazaq asúıiniń taǵamdarynan dám tatyp kórdi. Sondaı-aq sadaq atý, qatyn kúres, aýdaryspaq, teńge alý, asaý úıretý, meshkeıler jarysy, qymyz ishýden jarys, kókpar, alaman báıge jáne qyz qýý ulttyq jarystary uıymdastyryldy.

null 

Festıvaldiń ekinshi kúni dástúrli jáne bard ánderiniń baıqaýy ótti. Dástúrli ánshiler baıqaýynda Ardaq Muqyshev jeńimpaz atandy. Bard ánderi baıqaýynda Erkin Jabaǵanov jeńiske jetti.

Festıval sońynda qonaqtar men qatysýshylar Ulytaý taýlaryna ekskýrsııaǵa attandy.

Uıymdastyrýshylardyń aıtýynsha, «Kókmaısa» etnografııalyq festıvali aldaǵy ýaqytta da jyl saıyn ótkiziledi. Ol Qazaqstannyń ulttyq mádenıetin keńinen nasıhattap, kóptegen týrısterdi tartady.



null 

null 

 



null 

null 

null 

Joǵary qaraı