Aýa raıy
Astana -9 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

«Uly dala murasy» London tórinde ótti

2019 jyldyń 16 qyrkúıek 2019 09:50

LONDON. QazAqparat – «Astana balet» teatrynyń Londondaǵy kontsertinde talǵamy bıik kórermenniń qoshemetine ıe boldy. Bıletteri birneshe aı buryn aldyn ala satylyp ketken kontsertte úsh kún boıy zalda oryn bolmady, dep habarlaıdy QazAqparat tilshisi.

Balet trýppasynyń gastrolderi áıgili Kovent Garden koroldik teatry, Opera house sahnasynda ótti. Brıtanııalyq kórermen túrli janrdaǵy qoıylymdar tamashalaýǵa mol múmkindik aldy. Teatr trýppasy neoklassıka, zamanaýı jáne ulttyq horeografııa baǵytynda óner kórsetti.

Teatrdyń aıtýly týyndysy ulttyq balet úzindilerimen qatar, qazaq halqynyń tarıhy men mádenıetin aıǵaqtap turatyn horeografııalyq kompozıtsııalar jıyntyǵy «Uly dala murasy» kontserttik baǵdarlamasy kesh shymyldyǵyn ashyp, sezimtal mahabbat, keıin qorqynysh jáne sońynda nemquraılylyq týraly syr shertetin bir aktili «Love Fear Loss» baletimen aıaqtaldy.





Áıgili aǵylshyn jazýshysy ári aqyny Oskar Ýaıld pesasy jelisimen jazylǵan bir aktili «Salomeıa» baleti kórermen nazaryn erekshe aýdardy. Kezinde Ulybrıtanııada bul Іnjil ápsanasyn sahnalaýǵa uzaq ýaqytqa deıin tyıym salynǵan bolatyn. Endi mine ony búgin qazaqstandyq óner adamdary alǵash ret týǵan elden tysqary jerde kórsetip otyr.

Teatrdyń bas baletmeısteri Mýkaram Avahrıdiń aıtýynsha, spektaklderdi Opera house sahnasyna beıimdeýde keıbir qıyndyqtar týyndaǵan. Biraq ártisterdiń energııasy eshbir olqylyqty baıqatpaǵan. Teatrdyń premeri Farhad Býrıevtyń pikirinshe, shetelderde ulttyq mádenı qundylyqtarymyzdyń biri qazaqtyń dástúrli bıin de óte jyly qabyldaıdy. Bul joly da baletti jan-tánimen súıetin kórermen qazaq halqynyń baı mádenıeti men kóp ǵasyrlyq tarıhyn beıneleıtin horeografııalyq kompozıtsııalarǵa dán rıza boldy.





Al aǵylshyn baronessasy Emma Nıkolson bıdiń sulýlyǵy men hıkaıalardyń áserliligine tań qalǵandyǵyn jáne qazaqstandyq óner adamdarynyń kásibı sheberligine tánti bolǵandyǵyn aıtady.

Brıtanııalyq kórermen «Astana Balet» teatrynyń Ulybrıtanııadaǵy alǵashqy gastroldik sapary aldaǵy ýaqytta jalǵasyn tabady degen úmitte.



Avtor Ǵalymjan Qaramanuly
Basty sózder: Mádenıet, Eýropa,
Joǵary qaraı