Aýa raıy
Astana 15 °S
Almaty 10 °S
valıýta baǵamy
USD 386.82
EUR 428.67
RUB 5.86
CNY 54.95

Ulttyq valıýtadaǵy mátin tek qazaq tilinde bolady

2019 jyldyń 22 aqpan 2019 17:22 1857

ASTANA. QazAqparat - Qazaqstan teńgesi banknottary endi tek qazaq tilinde jazylady. Bul týraly «Ulttyq valıýta - Qazaqstan teńgesi banknottary men monetalary dızaınynyń tujyrymdamasyn bekitý týraly» QR Prezıdentiniń 2018 jylǵy 12 jeltoqsandaǵy № 804 Jarlyǵynda atap kórsetilgen, dep habarlaıdy QazAqparat tilshisi. 

«Banknottar men monetalar dızaınynda paıdalanylatyn jazbalar mátini memlekettik tilde resimdeledi. Investıtsııalyq jáne kollektsııalyq monetalar dızaınynda shet tilderde jazbalar paıdalanýǵa jol beriledi», - delingen Qazaqstan teńgesi banknottary men monetalary dızaınynyń tujyrymdamasynyń 2- taraýynda.

Sonymen qatar onda ınvestıtsııalyq jáne kollektsııalyq monetalar dızaınynda monetalar daıyndalǵan metaldy, onyń synamyn jáne massasyn bildiretin jazbalardy paıdalanýǵa jol beriletini atap ótilgen.

Aıta keteıik, buǵan deıin  banknottar men monetalarda memlekettik jáne orys tilderindegi jazýlar paıdalanylatyny zańdy kúshinde bolǵan edi.

«Shet tilinde resimdeletin basqa elderdiń tapsyrystary boıynsha daıyndalatyn kollektsııalyq monetalardy qospaǵanda, kollektsııalyq jáne ınvestıtsııalyq monetalarda jazýlardyń mátini memlekettik, sondaı-aq orys nemese shet tilderinde resimdeledi», -dep jazylǵan edi qujatta.

 

 

Joǵary qaraı