Aýa raıy
Astana 21 °S
Almaty 17 °S
valıýta baǵamy
USD 386.82
EUR 428.67
RUB 5.86
CNY 54.95

Ulttyq bank Qazaqstannyń «jańa valıýtasy» jóninde túsinik berdi

2019 jyldyń 28 maýsym 2019 17:42 7072

NUR-SULTAN. QazAqparat - QR Ulttyq banki áleýmettik jelilerde taraǵan «altyn» valıýtasy jóninde túsinikteme berdi, dep habarlaıdy QazAqparat.

«Áleýmettik jeliler men messendjerlerde teńgeniń qunsyzdanýy men Qazaqstannyń jańa valıýta - altynǵa aýysatyny týraly aqparat taralyp jatyr. Aýdıohabarlamadaǵy belgisiz daýys kezekti ret qazaqstandyqtardy dollar satyp alýǵa úgitteıdi jáne qaryzǵa avtokólik, páter alýǵa keńes beredi. Ulttyq bank bul aqparattyń jalǵan, arandatýshylyq pen  ekonomıkalyq qaskúnemdikke shaqyratynyn málimdeıdi», - dep habarlady Ulttyq banktiń baspasóz qyzmetinen.

Qasaqana jalǵan aqparatty taratýshylardy anyqtaý maqsatynda bank quqyqqorǵaý organdaryna júgingen.

«Ulttyq bank aýdıojazbadaǵy daýysty tanyǵan adamdardy banktiń telefonyna nemese áleýmettik jelidegi resmı paraqshalaryna habarlasýdy suraıdy», - dedi qarjy ınstıtýtynan. 

 

 

Joǵary qaraı