Aýa raıy
Astana 6 °S
Almaty 13 °S
valıýta baǵamy
USD 389.59
EUR 429.06
RUB 6.05
CNY 55.07

Ulandyqtar Taldyqorǵan turǵyndaryn órtten qutqaryp, buzaqylardy ustady

2019 jyldyń 23 naýryz 2019 01:12

TALDYQORǴAN. QazAqparat - Taldyqorǵanda Ulttyq ulan 5514 áskerı bóliminiń sarbazdary órtengen úıden 16 turǵyndy evakýatsııalady, dep habarlaıdy QazAqparat tilshisi.

Ulttyq ulan «Ońtústik» óńirlik qolbasshylyǵynyń baspasóz qyzmetinen málim etkendeı, sarbazdar medıtsınalyq jedel járdem, órt sóndirýshiler jáne ishki ister organdarynyń qyzmetkerleri kelgenshe órt shyqqan úıden adamdardy ózderi qutqarýǵa kirisken.

Oqıǵa 20 naýryz kúni Qabanbaı batyr kóshesindegi №66 úıde bolǵan. Turǵyn úıdiń birinshi qabatynan shyqqan jalyndy qyzmettegi úsh sarbaz Danııar Halımov, Rızabek Oljın jáne Sát Komshabaı alǵashqy bolyp kórgen.




null
«Olar birden ózderiniń basshylyq kezekshisine, medıtsınalyq jedel járdemge jáne órt sóndirý qyzmetine habar berdi. Ulttyq ulannyń barlyǵy 13 áskerı qyzmetshisi azamattarǵa kómekke keldi. Medıtsınalyq jedel járdem, órt sóndirýshiler jáne ishki ister organdarynyń qyzmetkerleri kelgenshe, áskerı narıad kúshimen 16 turǵyn qaýipsiz jerge shyǵaryldy», - delingen atalǵan vedomstvonyń taratqan aqparatynda.

Sondaı-aq dál osy kúni kóshede jappaı tóbeles bolǵan. Ulttyq ulan sarbazdaryn baıqaǵan buzaqylar jan-jaqqa qasha jónelgen. Degenmen, áskerı narıad jasaǵy 5 adamdy ustap, qalalyq Batys polıtsııa bólimine tóbelestiń sebebin anyqtaý jáne buzaqylyq áreketter boıynsha protsessýaldyq sheshim qabyldaý úshin jetkizgen.

Avtor Samal Qabysheva
Basty sózder: Almaty oblysy, Aımaq, Qoǵam,
Joǵary qaraı