Aýa raıy
Astana 21 °S
Almaty 20 °S
valıýta baǵamy
USD 386.34
EUR 427.25
RUB 5.88
CNY 54.57

Ýkraınada kezekten tys saılaý ótip jatyr

2019 jyldyń 21 shilde 2019 12:21 498

NUR-SULTAN. QazAqparat - Ýkrınform – Jeksenbi, 21 shilde kúni Ýkraınanyń halyq depýtattarynyń kezekten tys saılaýynda daýys berý bastaldy, dep habarlaıdy Ýkrınform. 

Daýys berý tańǵy saǵat 8-den keshki 20.00-ge deıin jalǵasady. Sheteldik saılaý ýchaskelerinde memlekettiń jergilikti ýaqyty boıynsha ótkiziledi.

Saılaýdy ótkizý úshin 199 aýmaqtyq jáne bir sheteldik saılaý okrýgi qurylǵan. Sondaı-aq, 30 myń ýchaskelik saılaý komıssııasy uıymdastyryldy. Shet elderde 102 saılaý ýchaskesi jumys jasaıdy.

Ortalyq saılaý komıssııasy jalpymemlekettik kópmandatty saılaý ýchaskesinde 22 partııanyń tizimi boıynsha saılaýǵa túsken jalpy 2,7 myń úmitkerdi jáne birmandatty saılaý ýchaskesinde 3,2 myńnan astam úmitkerdi tirkegen.

163 ýkraınalyq koǵamdyq uıymǵa saılaý kezinde resmı baqylaýshylar berilgen.

Odan bólek, OSK 22 halyqaralyq uıymnan jáne 12 shet memleketten 1 719 resmı baqylaýshyny tirkegen.

Ortalyq saılaý komıssııasynyń Joǵarǵy Radaǵa kezekten tys saılaý ótkizýdiń bekitken jalpy smetasy - 1,9 mlrd grıven.

Saılaýshylardyń daýys berý kezindegi qaýipsizdigin 130 myń quqyq qorǵaýshy qamtamasyz etetin bolady.

OSK jalpymemlekettik kópmandatty jáne birmandatty saılaý okrýgterindegi kezekten tys parlamenttik saılaýdyń nátıjesin daýys berý kúninen 15 kún keshiktirmeı bekitip, jarııalaýy tıis.

Buǵan deıin habarlanǵandaı, Prezıdent Vladımır Zelenskıı 21 mamyr kúni VIII shaqyrylymdaǵy Joǵarǵy Radany taratý jáne 21 shildede kezekten tys parlamenttik saılaý ótkizý týraly jarlyqqa qol qoıǵan edi. 

Basty sózder: Saılaý, Álem,
Joǵary qaraı