Aýa raıy
Astana 17 °S
Almaty 16 °S
valıýta baǵamy
USD 386.82
EUR 428.67
RUB 5.86
CNY 54.95

Úkimetke arnalǵan KPI-men birge Úkimettiń ózi de ózgerdi

2019 jyldyń 22 aqpan 2019 16:41 2038

ASTANA. QazAqparat - Úkimetke arnalǵan KPI-men birge Úkimettiń ózi de ózgerdi. Mundaı pikirdi QR Prezıdenti janyndaǵy Qazaqstan strategııalyq zertteýler ınstıtýtynyń dırektory Zarema Shaýkenova aıtty, dep habarlaıdy QazAqparat tilshisi.

«Úkimettiń otstavkaǵa ketýi - erekshe nazar aýdaratyn saıası oqıǵa. Degenmen, bul eń aldymen, 2018 jylǵy 5 qazandaǵy Prezıdenttiń Joldaýynan bastaý alatyn elde bolyp jatqan oqıǵalar tizbeginiń bir elementi ǵana. Osy kezeńnen bastap, memlekettik saıasattyń qaıta ózgerýi, adamı kapıtaldyń damýǵa qaraı betburysy bizdiń kóz aldymyzda boldy. Memleket basshysy málimdemesiniń formaty Úkimetke qatysty eleýli máselelerdiń bar ekendigin meńzedi. Prezıdent Úkimet múshelerimen, ákimdermen, depýtattarmen betpe-bet sóılesip, Úkimetke óz jumysynyń ádistemesin túbegeıli ózgertýi tıis ekenin ashyq aıtty. Al aǵymdaǵy jyldyń 30 qańtarynda Prezıdent Úkimettiń keńeıtilgen otyrysynda onyń qyzmetiniń tıimdiliginiń negizgi kórsetkishteri munan ary halyqtyń tabysy men sapasy bolatynyna basa nazar aýdartty», - dedi ol.

Onyń aıtýynsha, Memleket basshysynyń qatysýymen ótken 8-shi Azamattyq forýmda úkimettik emes sektordy qaıta qurý úderisi bastaldy. ÚEU saıasaty shetki aımaqtan ortalyqqa oıysty. Azamattyq forým azamattyq qoǵamnyń qatysýynsyz el turǵyndarynyń ál-aýqatyn qalyptastyrý múmkin emes ekendigin anyqtaıtyn negizgi máselelerdiń birin kórsetip berdi. Bul rette qoǵamdyq qatynastardyń jańa modeli 2025 jylǵa deıin azamattyq qoǵamdy damytý tujyrymdamasynda belgilenetin bolady.

«Elbasynyń málimdemesi jáne Jastar jylynyń bastalýy áleýmettik oqıǵalar men pikirtalastardyń sapaly jańa vektory boldy. Eń bastysy Úkimet, azamattyq qoǵam, ákimder jastardy áleýmettik ıntegratsııalaýǵa, jastar damýynyń kórsetkishterine barlyq memlekettik josparlaý júıesi men memlekettik baǵdarlamalardyń prızmasy arqyly nazar aýdara bastady. Úkimet jastar jylynyń Jol kartasyn qabyldady. Onda 80-nen astam is-shara qarastyryldy. Onyń ishinde bilim berý júıesin damytýǵa jáne jumysqa ornalasýǵa yqpal etetin birqatar júıelik sharalar bar. Alaıda, qabyldanǵan sharalar men baǵdarlamalarǵa qaramastan, jurtshylyq, ásirese áleýmettik osal top qarapaıym suraqtarǵa jaýap almady. Nátıjesinde ómir súrý deńgeıine jáne sapasyna qatysty máselelerdi sheshýge tyrysatyn halyqtyń túrli toptarynyń belsendiligin baıqadyq. Biz buny jaqynda kóp balaly otbasylardyń mysalynda kórdik», - dedi ol.

Instıtýt dırektory elimiz «Qazaqstan-2050» Strategııasyn iske asyrýdyń mańyzdy kezeńine kiriskenin atap ótti.

«Ýaqyt únemi jaýap berýge jáne tıimdi sheshýge tıis jańa mindetterdi qoıyp otyrady. Negizgi másele - bul azamattardyń ál-aýqatyn arttyrý. «Nur Otan» partııasynyń aldaǵy sezinde Úkimettiń kún tártibi, áleýmettik qoldaýdy kúsheıtý jáne halyq ómiriniń sapasyn arttyrý jónindegi sharalar jarııalanady», - deıdi Z.Sháýkenova.

 

 

 

 

Avtor Marlan Jıembaı
Basty sózder: Saıası reforma, QR Úkimeti,
Joǵary qaraı