Aýa raıy
Astana -4 °S
Almaty 10 °S
valıýta baǵamy
USD 389.34
EUR 428.78
RUB 6.05
CNY 55.45

Úkimet baǵanyń ósýin baqylaýda ustap otyr – Álıhan Smaıylov

2019 jyldyń 17 qazan 2019 12:12

NUR-SULTAN. QazAqparat – QR Úkimeti áleýmettik mańyzy bar azyq-túlik baǵasynyń ósýi sebepterin zerdelep jatyr. Bul týraly Senattyń jalpy otyrysynda Premer-Mınıstrdiń birinshi orynbasary - Qarjy mınıstri Álıhan Smaıylov málim etti, dep habarlaıdy QazAqparat tilshisi.

«Shynymen de ınflıatsııa máselesi mańyzdy, sebebi halyqtyń ómir súrý deńgeıine, naqty aqshalaı tabysqa tikeleı áser etedi. Sondyqtan bul másele Úkimettiń turaqty baqylaýynda. Biz osy taqyrypty aı saıyn jergilikti atqarý organdardyń qatysýymen qarastyramyz. Inflıatsııaǵa toqtalatyn bolsaq, búginde jyldyq ınflıatsııa belgilengen dálizde tur jáne 5,3 paıyzdy qurady. Jyl sońyna deıin osy dálizde saqtalady dep oılaımyz. ıAǵnı, 5,3-5,5 paıyz deńgeıinde qalýy múmkin», - dedi Á. Smaıylov senatorlar saýalyna jaýap bere otyryp.

Osy oraıda ol Úkimet azyq-túlik baǵasynyń ósýi máselesin turaqty túrde zerdelep otyrǵanyn atap ótti.

«Áleýmettik mańyzy bar azyq-túlikke baǵanyń ósýi máselesin selektorlyq rejimde turaqty túrde qarastyramyz. Bul turǵyda baǵanyń ósýine yqpal etken faktorlarǵa taldaý jasalyp, tıisti qajetti sharalardy qabyldaımyz», - dedi Úkimet basshysynyń birinshi orynbasary.

Joǵary qaraı