Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

Túrmedegi balasyna aıaq kıimge esirtki jasyryp ótkizbek bolǵan áıel ustaldy

2019 jyldyń 15 mamyr 2019 16:58

QYZYLORDA. QazAqparat - Qyzylorda oblysy qylmystyq-atqarý júıesi departamentiniń qyzmetkerleri sottalǵandarǵa tyıym salynǵan zattar men buıymdardyń mekeme aýmaǵyna ótý joldaryn der kezinde anyqtady, dep habarlaıdy QazAqparat tilshisi.

Qyzylorda oblysy qylmystyq-atqarý júıesi departamentiniń habarlaýynsha, ZK-169/1 mekemesi rejim jáne kúzet bóliminiń qyzmetkerleri sol mekemede QR Qylmystyq kodeksiniń 106-babynyń 3-bóligimen qamaýda otyrǵan balasyna kelgen azamatshany tekserý barysynda onda jasyl tústi ótkir ıisti keptirilgen shóp tárizdes zat bar ekeni anyqtaldy. Áıel ony balasyna alyp kelgen sporttyq aıaq kıim arqyly ótkizbek bolǵan. Oqıǵa ornyna Qyzylorda qalasy polıtsııa basqarmasy jedel-tergeý toby shaqyryldy. Atalmysh tyıym salynǵan zat tárkilenip, ol saraptamaǵa jiberildi.

«Sot-medıtsınalyq saraptama nátıjesi boıynsha onyń marıhýana ekeni anyqtaldy. Atalǵan derek boıynsha sotqa deıingi tergep-tekserý amaldary júrgizilýde», - dep málim etti Qyzylorda oblystyq qylmystyq-atqarý júıesi departamentiniń baspasóz qyzmeti.

Avtor Ádiljan Úmbet
Basty sózder: Oqıǵa, Qyzylorda oblysy, QR ІІM,
Joǵary qaraı