Awa rayı
Nur-Sultan 0 °S
Almatı 29 °S
valyuta bağamı
USD 384.05
EUR 432.79
RUB 5.96
CNY 55.46

Türkïya elşіsі: Mağjannıñ «alıstağı bawırına» rwx bergenіn umıtpaymız

2019 jıldıñ 19 mamır 2019 10:51 1225

NUR-SULTAN. QazAqparat - Qazaqtıñ qaysar rwxtı aqını Mağjan Jumabaev «Alıstağı bawırıma» attı tarïxï öleñіn XX ğasırdıñ basındağı Türkïyanıñ tağdırına alañdap jazğan. Tarïxtıñ bul kezeñіn Türkïyanıñ Qazaqstandağı Tötenşe jäne ökіlettі elşіsі Nevzat Wyanık eske aldı, dep xabarlaydı QazAqparat tіlşіsі.

Bügіn Türkïyadağı Mustafa Kemal Atatürіk bastağan ult-azattıq kürestіñ bastalwına 100 jıl toldı. 1919 jıldıñ 19 mamırında täwelsіzdіk üşіn küresken ulttıq-revolyucïyalıq qozğalıs lïderі Mustafa Kemal Atatürіk 9-ınşı armïyanıñ ïnspektorı retіnde Samswnğa kelіp, şeteldіk ïntervencïyağa qarsı mobïlïzacïya jarïyaladı. Bul kün Türkïyanıñ azattığı üşіn soğıstıñ resmï bastalğan künі bolıp sanaladı. Sol kezde Türkïya men Grekïya soğısıp jatqan bolatın. 

Türіk täwelsіzdіgіne qawіp töngenіn jar salıp, Osman armïyası qatarınan  ketken Atatürіktі el qoldağanımen, Sultan bïlіgі  ayaqtan şalıp, tіptі sırtınan ölіm jazasına kesedі. Antanta üştіgіnіñ kapïtwlyacïya şartın  jelew etіp tіzege salwı da jaña  bağıtqa bet burğan türіk jurtına awır tïdі.

Osınday qïın-qıstaw şaqta  rwxtı aqın Mağjan Jumabaev «Alıstağı bawırıma» attı öleñ jazdı. Jawları jan-jaqtan antalağan türіk jurtınıñ tağdırına alañdap jazılğan bul tarïxï öleñ bawırlas ekі eldіñ dostıq uranına aynalğan.

Bul twralı Türkïyanıñ Qazaqstandağı Tötenşe jäne ökіlettі elşіsі Nevzat Wyanık Elordadağı Ulttıq akademïyalıq kіtapxanada ötken şarada ayttı. 

«Tamırı men tarïxı bіr bawırlarımızdıñ da sol kezdegі xalqımızdıñ qandı şayqastarın, onıñ awır şarttarı men täwelsіzdіk añsarın jürekterіmen sezіne bіlgen. Qazaqtıñ dara aqını Mağjan Jumabaevtıñ «Alıstağı bawırıma» attı öleñ şwmaqtarında bawırlarımızdıñ bіzge degen janaşırlıq sezіmderі körіnіs tapqan edі» - dedі Türkïya elşіsі.

Bawırlas türіk jurtı üşіn aytwlı sanalatın tarïxï künge oray QazAqparat  Mağjan aqınnıñ dostıq uranına aynalğan öleñіn usınadı.

Alıstağı bawırıma

Alısta awır azap şekken bawırım,

Qwarğan bäyşeşektey kepken bawırım,

Qamağan qalıñ jawdıñ ortasında

Köl qılıp közdіñ jasın tökken bawırım.

 

Aldıñda awır qayğı jatqan bawırım,

Ömіrі japa şekken jattan bawırım.

Tüksïgen jüregі tas jawız jandar,

Tіrіdey terіñ tonap jatqan bawırım.

Apırmay, emes pe edі altın Altay -

Anamız bіzdі tapqan asaw tayday!

Bawırında jürmep pe edіk salıp oynaq,

Jüzіmіz emes pe edі jarqın ayday!

Alalı altın saqa atıspap pa ek,

Tebіsіp bіr tösekte jatıspap pa ek.

Altayday anamızdıñ aq sütіnen

Bіrge emіp, bіrge dämіn tatıspap pa ek.

 

Turmap pa edі, bіz üşіn möldіr bulaq

Sıldırap, sılq-sılq külіp, tawdan qulap.

Dayar bop uşqan qustay soqqan quyın,

Tіlegen bіr-bіr tulpar beyne pıraq!

 

Altaydıñ altın Künі erkeletіp,

Kelgende jolbarıs bop, jaña erjetіp,

Aq teñіz, Qara teñіz ar jağına,

Bawırım, menі tastap qaldıñ ketіp.

 

Men qaldım - jas balapan qanat qaqpay,

Uşam dep umtılsam da damıl tappay.

Jön sіlter, jol körseter jan bolmadı,

Jawız jaw qoysın ba endі menі atpay.

Qorğasın jas jürekke oğı battı,

Künäsіz taza qanım swday aqtı.

Qansırap, älіm qurıp esten tandım,

Qarañğı abaqtığa berіk japtı.

Körmeymіn keşe jürgen qır-saydı da,

Kündіz - Kün, tünde - kümіs nurlı Aydı da.

Ardaqtap, şın jіbektey arayğa orap

Ösіrgen altın anam - Altaydı da.

 

Apırm-ay, ayrıldıq pa qalıñ toptan,

Şabılıp qaytpaytuğın jawğan oqtan.

Türіktіñ jolbarıstay jüregіnen

Şınımen qorqaq qul bop jawdan buqqan.

 

Şarq urıp, erіkke umtılğan Türіk janı,

Şınımen awırdı ma bіtіp xalі?!

Ot sönіp jürektegі, qurğadı ma

Qaynağan tamırdağı ata qanı?!

 

Bawırım, sen o jaqta, men bu jaqta,

Qayğıdan qan jutamız.

Bіzdіñ atqa

Layıq pa qul bop turw?

Kel, ketelіk

Altayğa, ata mïras, altın taqqa!

 

 

Joğarı qaray