Awa rayı
Nur-Sultan 14 °S
Almatı 17 °S
valyuta bağamı
USD 379.01
EUR 423.24
RUB 5.90
CNY 54.92

Türkіstandağı qurılıs jumıstarına jergіlіktі jastar tartıladı

2019 jıldıñ 24 qañtar 2019 02:25 991

TÜRKІSTAN. QazAqparat - Elbası Nursultan Nazarbaevtıñ ağımdağı jıldı «Jastar jılı» dep jarïya etwіn Türkіstan oblısınıñ jastarı tıñ serpіlіspen qabıldadı. Olar aytwlı jıl awqımında qolğa alınatın jaña jobalardı jüzege asırmaq, dep xabarlaydı QazAqparat tіlşіsі.

Bügіnde Türkіstan oblısında jastardıñ sanı 501 mıñnan asadı. Onıñ іşіnde qala jastarı 86 mıñ bolsa, awıl jastarı  415 mıñğa jwıqtaydı. Öñіrde 2 joğarı jäne 66 orta arnawlı oqw ornında 57 mıñnan asa  stwdent bіlіm aladı.   «Serpіn-2050» bağdarlamasımen  9 313 jas qamtılıp,  2018 jılı atalğan bağdarlama  ayasında 440 jas oqwın bіtіrdі. Mamandıq alğan jastardıñ  63,3 payızı turaqtı jumısqa ornalastı. Sonday-aq,  «Jasıl el» bağdarlaması boyınşa jıl sayın   1275 jas eñbekpen qamtılwda. «Dïplommen awılğa» jobası ayasında 913 jas maman turaqtı jumıs tawıp, 314 maman baspanalı boldı.

   Elbası Jarlığına säykes jastarğa älewmettіk qoldaw masqatında bïılğı jılı awdan, qalalardağı 500-den astam jumıssız azamattı Türkіstan qalasında salınıp jatqan qurılıs jumıstarına tartw közdelgen. Olardıñ qatarınan  «Türkіstan jastar qurılıs jasağı» qurılıp, merdіger kompanïyalarımen kelіssözder jürgіzіlwde.

Ayta keteyіk, Jastar jılına oray nawrız ayınan bastap jıl soñına deyіn «Awdan jastarınıñ Türkіstanğa tartwı» attı aptalığı uyımdastırılıp, 1000-nan astam mädenï-sporttıq іs-şaralar uyımdastırılmaq.

  Sonımen qatar, bïıl «Türkі jastarınıñ kongresіn» jäne «Orta Azïya jastarınıñ forwmın» ötkіzw közdelіp otır.

 

 

Joğarı qaray