Aýa raıy
Astana 12 °S
Almaty 19 °S
valıýta baǵamy
USD 389.52
EUR 429.21
RUB 6.07
CNY 54.94

Túrkistanda «Jas tilshiler» klýby quryldy

2019 jyldyń 21 aqpan 2019 00:22

TÚRKІSTAN. QazAqparat - Túrkistandaǵy Q.A.ıAssaýı atyndaǵy Halyqaralyq qazaq-túrik ýnıversıteti men Qazaqstan Jýrnalıster Odaǵynyń Túrkistan oblystyq fılıalynyń arasynda ózara yntymaqtastyq týraly memorandýmǵa qol qoıyldy.

Mańyzdy qujatty júzege asyrýdaǵy alǵashqy qadam retinde fılıaldyń janynan «Jas tilshiler» klýby quryldy, dep habarlaıdy QazAqparat tilshisi.

Klýbqa múshelikke búginniń ózinde 42 talantty jas qabyldandy. Oqý ornynyń rektory Bolatbek Abdrasılov memorandým aıasynda jemisti jumystardyń atqarylatynyna senim bildirdi.

«Túrkistandaǵy oń ózgerister jaıly jaǵymdy jańalyqtardy jurtshylyqqa birinshi kezekte jýrnalıster jetkizedi. Sondyqtan stýdentterimiz úshin tájirıbe almasyp, bilikti kadr retinde qalyptasýy úshin barynsha atsalysýymyz qajet. «Bilim» týraly zańǵa ózgerister engizilgen soń, biz oqý baǵdarlamasyn ázirleý isinde erkindik aldyq. Soǵan sáıkes, teorııalyq sabaqtardan góri praktıkaǵa basymdyq berip, stýdentterdiń túrli aqparat quraldarynda taǵylymdamadan ótýine jaǵdaı jasalatyn bolady. Osy turǵyda Qazaqstan jýrnalıster odaǵynyń oblystyq fılıalymen arada qol qoıylǵan memorandýmǵa artar úmitimiz mol», - dedi ýnıversıtet rektory.

Al, Qazaqstan Jýrnalıster odaǵy Túrkistan oblystyq fılıalynyń tóraǵasy Ǵalymjan Elshibaı ekijaqty kelisimniń aıasynda aldaǵy ýaqytta birqatar sharalar qolǵa alynatynyn atap ótti.

«Jastardyń shyǵarmashylyǵyn shyńdaıtyn sheberlik sabaqtary, trenıngter, forýmdar men basqa da is-sharalar uıymdastyrý josparymyzda bar. Sondaı-aq, stýdentterdiń eldegi eń bedeldi aqparat quraldarynda praktıkadan ótýine, jastar tarapynan usynylǵan medıajobalardy júzege asyrýǵa Jýrnalıster odaǵy tarapynan barynsha qoldaý kórsetiletin bolady»,-dedi Ǵalymjan Elshibaı.

Aıta keteıik, atalǵan ýnıversıtette jýrnalıstıka mamandyǵy boıynsha 100-ge jýyq stýdent bilim alýda. Jaqyn kúnderi oqý ornynda radıo jáne telestýdııa óz jumysyn bastamaq. Jastar aýdıtorııasyna arnalǵan «ıAssaýı.FM» radıosyn ashý baǵytynda da qadamdar jasalýda. Sonymen qatar ýnıversıtet pen «Ońtústik» telearnasynyń arasynda da ózara yntymaqtastyq jaıly memorandýmǵa qol qoıyldy. Bul Túrkistan óńirindegi teledıdar salasy úshin qajetti bilikti kadrlardy daıarlaýǵa sep bolmaq.

Avtor Aınur Aqbaeva
Basty sózder: JOO-lar, Bilim, Túrkistan oblysy,
Joǵary qaraı