Aýa raıy
Astana 5 °S
Almaty 1 °S
valıýta baǵamy
USD 388.96
EUR 432.21
RUB 6.09
CNY 54.99

Túrkistanda muǵalimderdi onlaın túrde jumysqa alatyn júıe iske qosyldy

2018 jyldyń 2 qarasha 2018 22:38

TÚRKІSTAN. QazAqparat - Túrkistan oblysynyń barlyq mektepterine jumys.sitcen.kz portaly arqyly qatardaǵy qyzmetkerler men pedagogtardy jumysqa qabyldaýdyń avtomattandyrylǵan júıesi iske qosylǵan, dep habarlaıdy QazAqparat.

Oblystyq bilim basqarmasynyń baspasóz qyzmetiniń habarlaýynsha, atalǵan júıe jalpy orta bilim berý uıymdary pedagogtaryn jumysqa qabyldaýdy jáne mektep dırektorlaryn konkýrstyq taǵaıyndaý barysyn avtomattandyrady. Sondaı-aq, bilim uıymdaryndaǵy tehnıkalyq qyzmetkerlerdiń bos oryndary jaıly habarlamalar ornalastyrylǵan.

Bilim basqarmasy basshysynyń orynbasary Ardaq Sadyqova aıtýynsha, búgingi kúnge deıin atalǵan elektrondy júıede 1571 pedagog pen tehnıkalyq qyzmetkerdiń bos jumys oryndary týraly habarlama jarııalanǵan.

«Qazirgi tańda jumys.sitcen.kz portaly arqyly 837 adam jumysqa ornalasqan. Júıege jalpy jumys izdeýshiler tarapynan qyzyǵýshylyq tanytyp, búgingi kúni 62 778 qoldanýshy tirkelip otyr. Sondaı-aq, 4632 jumysqa qabyldaý týraly ótinish kelip túsken. Sonymen qatar, 2019 jyldan bastap daryndy balalarǵa arnalǵan mamandandyrylǵan mektep-ınternattaryna qabyldaý mektep.sitcen.kz portaly arqyly júzege asyrylatyn bolady. Atalǵan júıede mektepke qabyldaý konkýrsyn ótkizý tolyq avtomattandyrylǵan», - dedi Ardaq Mádihanqyzy Túrkistan oblysynyń óńirlik kommýnıkatsııalar qyzmetinde ótken brıfıngte.


null

Aıta keterligi, ata-ana óziniń balasyn portal arqyly kez-kelgen daryndy balalarǵa arnalǵan mektepke konkýrsqa qatystyra alady jáne portaldaǵy onlaın testileýden joǵary ball alǵan bala mektepke qabyldanady.

Sonymen qatar, oblystaǵy mektepter «Bilimland» tsıfrlyq bilim berý resýrstarymen 100 paıyz qamtamasyz etilgen. Aǵymdaǵy jyldap bastap kúni búginge deıin 594 000 sabaq qaralymy boldy. Oblystyq bıýdjetten tsıfrlyq bilim berý resýrstarymen qamtamasyz etý maqsatynda 1500 dana «Bilim Book» kompıýter-planshet shalǵaı aýyldaǵy 195 mektepke taratylyp, tsıfrlyq bilim berý resýrstaryna ınternetsiz qol jetkizýde.

Aldaǵy jyly Túrkistan oblysynyń bilim salasynda pedagogtardyń attestatsııasyn jáne olardyń bilim jetildirý kýrstarynan ótýin avtomattandyrý, bilim uıymdaryndaǵy kitap qoryn paıdalanýdy jáne oqýshylardyń ystyq tamaqpen qamtylýyn avtomattandyrý júıeleri júzege asady dep josparlanýda.

Atalǵan joba bilim salasyndaǵy sybaılastyq zań buzýshylyqty toqtatatýǵa úlken serpin beredi.

Joǵary qaraı