Aýa raıy
Astana 23 °S
Almaty 21 °S
valıýta baǵamy
USD 383.01
EUR 430.12
RUB 6.10
CNY 55.70

Túrkistanda fotoóner ortalyǵy ashyldy

2019 jyldyń 19 maýsym 2019 00:27 984

TÚRKІSTAN. QazAqparat - Túrkistan qalasyndaǵy Jastar resýrstyq ortalyǵynda «TÚRKІSTAN» fotoóner ortalyǵy ashyldy, dep hbarlaıdy QazAqparat oblys ákiminiń baspasóz qyzmetine silteme jasap.

Túrkistan oblystyq Іshki saıasat basqarmasynyń bastamasymen qolǵa alynǵan bul ortalyqta elimizdegi belgili fotograf, «Fotoóner» qoǵamdyq birlestiginiń tóraǵasy Asylhan Ábdiraıymuly jastarǵa dáris oqyp, mamandyqtyń qyr-syryn úıretedi. Atalǵan ortalyqtyń ashylý saltanatyna oblys ákimi Ómirzaq Shókeev pen respýblıkalyq jáne óńirlik BAQ basshylary men ókilderi qatysty.

Túrkistan oblysynyń 1 jyldyq merekesinde ashylǵan bul fotoklýb Q.A.ıAsaýı atyndaǵy HQTÝ-men tikeleı jumys isteıdi. Túrli taqyryptarda fotoekspedıtsııalar uıymdastyryp, óńirdegi týrızmdi damytý isin nasıhattaıdy.

Fotoklýbtyń ashylý saltanatynda qonaqtar «Uly dalanyń Túrkistany» atty respýblıkalyq fotoekspedıtsııa músheleriniń túsirgen sýretterin tamashalady.



null«Rýhanı jańǵyrý» baǵdarlamasy men «Uly dalanyń jeti qyry» maqalasyndaǵy mindetterdi oryndaý, óńirdiń kıeli jáne týrıstik oryndaryn nasıhattaý maqsatynda uıymdastyrylǵan fotoekspedıtsııanyń maqsaty oryndaldy. Bir apta boıy óńirdiń kıeli jáne týrıstik oryndaryn túsirgen ekspedıtsııa músheleriniń 40-qa jýyq sýreti qoıyldy. Olardyń ishinde Túrkistan, Kentaý qalalarymen qatar, Sozaq, Báıdibek, Otyrar, Saıram, Tóle bı, Túlkibas jáne Qazyǵurt aýdanynyń kıeli jáne týrıstik oryndary, tabıǵaty tamasha mekender men halyqtyń turmys-tirshiliginen syr shertetin sýretter bar.

Túrkistan qalasyna kóship kelip, arnaıy fotostýdııa ashqan Asylhan Ábdiraıymulynyń jańa bastamasy kópshilikti súısintip otyr.

«Túrkistandy túletý - perzenttik paryzym. Týǵan jerime qaıta oralyp, osynda shákirt tárbıeleý jóninde sheshim qabyldadym. Jańa tynysy ashylǵan Túrkistannyń damýyna óz bilimimmen, tájirıbemmen úles qosqym keledi», - degen fotograf aldaǵy ýaqytta osy ortalyqta túrli taqyryptarda dástúrli túrde kórmeler ótkizip, eldiń mádenı-estetıkalyq talǵamyn bıiktetetin jobalardy júzege asyrýdy kózdep otyr.

«Rýhanı jańǵyrý» baǵdarlamasy aıasynda ashylǵan fotoklýb Túrkistan oblysynyń jáne qasıetti shahardyń oń ımıdjin arttyryp, jastardy izgilikke, fotoónerge baýlıdy degen senim bar.

Basty sózder: Óner, Túrkistan oblysy,
Joǵary qaraı