Aýa raıy
Astana 6 °S
Almaty 9 °S
valıýta baǵamy
USD 389.86
EUR 435.32
RUB 6.12
CNY 55.12

Túrkistanda «Elin súıgen - Elbasy» atty kórme ótti

2019 jyldyń 18 mamyr 2019 23:12

ShYMKENT. QazAqparat - Túrkistanda «Elin súıgen - Elbasy» atty oblystyq mýzeıler men kitaphanalardyń kórmesi ótti. Mádenıet jáne tilderdi damytý basqarmasynyń sharasy Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń qurmetine uıymdastyryldy, dep habarlaıdy QazAqparat tilshisi.

Halyqaralyq mýzeı kúninde ótken sharaǵa zııaly qaýym ókilderi men ardagerler, stýdentter men mádenıet, bilim salalarynyń qyzmetkerleri men jastar jáne qala turǵyndary qatysty.





Saltanatty sharany oblystyq Mádenıet jáne tilderdi damytý basqarmasynyń basshysy Nurdáýlet Isabek quttyqtaý sózben ashty.

«Elbasynyń tynymsyz eńbeginiń arqasynda búginde Qazaqstan álemge tanylyp, abyroıy asqaqtaı tústi. Táýelsizdik týy kógimizde jelbiregen kúnnen bastap, elimiz úshin jańa tarıh bastaldy. Elimizdi ata-babamyz armandaǵan asqar bıikke shyǵarǵany barshaǵa belgili. Qazaq eliniń jarqyn bolashaqqa bastar jolyn aıqyndap bergen Elbasyna halyqtyń da aıtar alǵysy mol. Nursultan Ábishuly Nazarbaev tarıhy tereńde jatqan Túrkistandy ár ýaqytta nazaryna ustap, onyń ekonomıkasynyń, mádenıetiniń, sáýletiniń tasýyna qamqorlyq jasap kelgenine halyq dán rıza. Kórmedegi árbir týyndy túrki áleminiń rýhanı astanasy atanǵan Túrkistan qalasy men Elbasy esiminiń baılanysynan syr shertedi»,-dedi Nurdáýlet Isabek.





Sondaı-aq, kórmede Qoja Ahmet ıAsaýı atyndaǵy Halyqaralyq qazaq-túrik ýnıversıtetiniń stýdenti, jas aqyn Áıgerim Murat Elbasyǵa arnaǵan óleńin oqydy. Óz zamandastaryn elin, jerin súıip, Táýelsiz eldiń tiregine aınalǵan Tuńǵysh Kóshbasshynyń salyp bergen sara jolyn patrıottyq sezimmen jalǵastyrýǵa shaqyrdy.

«Jeńis» saıabaǵynda ótken kórmege oblystyq kitaphanalardyń 150-ge jýyq kitaptary men mýzeılerdegi Elbasyǵa arnalǵan 200-den astam estelik maǵlumattar jıyntyǵy jáne jádigerler qoıyldy. Onyń ishinde Elbasyǵa arnalǵan kitaptar men fotomaterıaldar, jeke zattary men beıneleý óneriniń týyndylary bar.











Joǵary qaraı