Aýa raıy
Astana 6 °S
Almaty 13 °S
valıýta baǵamy
USD 389.59
EUR 429.06
RUB 6.05
CNY 55.07

Túrkistanda alǵash ret «Mýzeı túni» uıymdastyryldy

2019 jyldyń 19 mamyr 2019 19:15

TÚRKІSTAN. QazAqparat - Túrkistandaǵy Qoja Ahmet ıAsaýı kesenesinde alǵash ret «Mýzeı túni» uıymdastyryldy, dep habarlaıdy QazAqparat tilshisi.

QR Mádenıet jáne sport mınıstrligi men «Áziret Sultan» memlekettik tarıhı-mádenı qoryq-mýzeıiniń uıymdastyrýymen ótken shara keseneniń qaqpasynan bastaý aldy. Onda mýzeı dırektory Nurbolat Ahmetjanov barsha qonaqtardy aıtýly kúnmen quttyqtady.


null

«Ár jyl saıyn Mýzeıler kúni keń kólemde atalyp keldi. Al, mýzeı túni - álemdik tájirıbede bar shara. Bıyl, Túrkistan qalasynda tuńǵysh ret uıymdastyrylǵan "Mýzeı túninde" qonatar túngi ekige deıin túrli tanymdyq baǵdarlamalardy tamashalap, saıystarǵa qatysa alady. Merekelik baǵdarlamanyń bári rýhanı, tanymdyq sharalarǵa negizdelgen. Ár Qujyra bólmesi, tarıhı mańyzyna saı bezendirilip, baǵdarlamalary da óz ereksheligine saı jasalǵan»,-dedi Nurbolat Ahmetjanov.

Saltanatty jıyn barysynda mýzeıdiń birqatar qyzmetkerlerine QR Mádenıet jáne sport mınıstri Arystanbek Muhamedıulynyń «Mádenıet salasynyń úzdigi» tósbelgisi men alǵys hattary tabystaldy. Qazaqtyń han-batyr, bıleri kıimin kıgen mýzeı qyzmetkerleri tarıhı týlar ustap, elge yntymaq-birlik tilep, teatrlandyrylǵan kórinis kórsetti. Mýzeı túnine kelgen qonaqtar sonymen qatar kesene ishine kirip, memleket jáne qoǵam qaıratkeri Ó.Jánibekovtiń qaryndasy etnograf A.Serim jáne taıqazandy zertteýshi ǵalym D.Mustapaevpen kezdesti. Kóne jádigerlerdiń tarıhy jaıly málimetter alyp, oı bólisti.


null

Tanymdyq basqosý «Qoryq-mýzeıdiń ótkeni men búgini», «Qoryq-mýzeıdiń baspa ónimderi» taqyrybyndaǵy foto jáne kitap kórmesin tamashaýǵa ulasty. Mekemeniń tynys-tirshiligi men jetken jetistikteri jáne aldaǵy josparlary jaıly derekter aıtaldy. Sondaı-aq, Túrkistan óńirindegi Qoja Ahmet ıAsaýı, GaýHar ana, Úkasha ata kesenesi men qudyǵy, Saýran qalashyǵy, Shyǵys monshasy taǵy da basqa kóptegen tarıhı-rýhanı oryndar jaıly ekskýrsııa 3D týr vırtýaldy kózildirigi arqyly júrgizildi.


null

Mýzeı túnine qatysýshylar Qoja Ahmet ıAsaýı kesenesiniń Kitaphana bólmesinen ashylǵan «Uly dalanyń jeti qyry» zaly jáne Úlken Aqsaraı bólmesinde qurylǵan «Túrkistan qazaq handyǵynyń Aq Ordasy», Ashana bólmesiniń ekspozıtsııalaryn tamashalap, Han taǵynyń qasynda batyrlarmen sýretke tústi. Shara barysynda qatysýshylar ortaǵasyrlyq qudyq sýynan dám tatyp, Qudyqhana bólmesi jaıly aqparattar aldy. Tarıhı keshte Jastar jyly da nazardan tys qalmady. Jastar arasynda Qoja Ahmet ıAsaýı hıkmetterin jatqa oqý jáne Túrkistanda jerlengen tulǵalar jaıly vıktorınalyq suraqtar boıynsha saıys uıymdastyryldy.


null

Qasıetti Ramazan aıyna oraı Qoja Ahmet ıAsaýı kesenesiniń Meshit bólmesinde ýaǵyz-nasıhat jumystary júrgizildi.

Mýzeı túnine kelýshiler tarıh tulǵalar jaıly mol maǵlumattar ala otyryp, ata-babalarymyzdyń kúndelikti kúıbeń ómiri men turmys-tirshiligi jaıly kórinisterden habardar boldy. Túıe, tazy ıt jáne qusbegiler de mýzeıge kelýshilerge aıryqsha áser syılady. Aıtýly sharaǵa qatysqan Ózbekstan Respýblıkasynyń zııaratshylary men Túrkııa, qytaılyq týrıster dán rızashylyqtary bildirip jatty.




null


null

Avtor Aınur Aqbaeva
Basty sózder: Mádenıet, Túrkistan oblysy,
Joǵary qaraı