Awa rayı
Astana 2 °S
Almatı 13 °S
valyuta bağamı
USD 378.17
EUR 429.11
RUB 5.88
CNY 56.48

Türkіstan oblısında twabіttі jaraqatı bar nawqastarğa kürdelі ota jasaldı

2019 jıldıñ 19 aqpan 2019 16:24 421

TÜRKІSTAN. QazAqparat -  Türkіstan oblıstıq klïnïkalıq awrwxanasınıñ travmatolog-xïrwrgterі bіrneşe kürdelі operacïya jasap, twabіttі jambas bwını jaraqatı bar nawqastardı emdedі. Köşpelі brïgada Türkіstan qalasınıñ ortalıq awrwxanasında jambas bwının endoprotezdewde, dep xabarlaydı QazAqparat tіlşіsі.

Travmatologtar, xïrwrgtar jäne medbïkeler komandasınıñ naqtı jäne üylesіmdі іs-äreketіnіñ arqasında twabіttі keselі bar jandarğa «Stryker» korporacïyasınıñ ïmplanttarı qoyıldı. Älemdegі eñ іrі medïcïnalıq jabdıqtar, quraldar öndіrwşіsі sanalatın kompanïyanıñ protezderі köbіne jambas aqawımen twılğan jäne egde jastağı adamdarğa usınıladı, öytkenі qozğalıs şektelgen jağdayda otanıñ äserі de uzaqqa sozılwı mümkіn. Jambas bwının endoprotezdew (TETBS) nawqastıñ janına batqan jaranı jazıp qana qoymay, ömіr sapasın aytarlıqtay jaqsartwğa mümkіndіk beredі. Sonday-aq, bwın qızmetіn qalpına keltіrwdіñ tïіmdі täsіlі sanaladı.

«Türkіstan oblısınıñ turğındarına medïcïnalıq kömektіñ qoljetіmdіlіgі - oblıstıq densawlıq saqtaw basqarması basşılığı qoyğan basım mіndetterdіñ bіrі. Bügіnde Türkіstan ortalıq awrwxanasında täwlіk boyı medïcïnalıq kömek körsetw üşіn barlıq jağday jasalğan. Tek bіr jıl іşіnde klïnïkalıq awrwxanada 300-ge jwıq adamğa jambas jäne tіze bwındarınıñ operacïyası jasaladı. Onıñ basım bölіgі - egde jastağı nawqastar»,- deydі awrwxananıñ bas därіgerі Marat Paşïmov.

 

 

Avtor: Aynur Aqbaeva
Bastı sözder: Türkіstan oblısı, Medïcïna,
Joğarı qaray