Aýa raıy
Astana 15 °S
Almaty 10 °S
valıýta baǵamy
USD 386.82
EUR 428.67
RUB 5.86
CNY 54.95

Túrkistan oblysynda alıment tólegisi kelmeıtin ákeler sany 4 myńnan asqan

2019 jyldyń 22 aqpan 2019 06:00 1052

TÚRKІSTAN. QazAqparat - Túrkistan oblysynda alıment tólegisi kelmeıtin ákeler qatary kóbeıip barady. Sonyń saldarynan osyndaı qaryzdardy óndirý ádilet qyzmetkerlerine qıynǵa soǵýda. Bul máseleler oblystyq Ádilet departamentiniń alqaly otyrysynda qozǵaldy, dep habarlaıdy QazAqparat tilshisi.

Jıyn barysynda ótken jyly atqarylǵan jumystar qortyndylanyp, sheshimin tabýy tıis máseleler sóz boldy. Máselen, 2018-shi jyly memlekettik jáne jeke sot oryndaýshylarynda 146 548 atqarý óndirisi oryndaýda bolǵan. Nátıjesinde aıaqtalǵan isterdiń úlesi 74 paıyzdan asqan. Desek te departament basshylyǵy alıment óndirý isinde áli de jumys júrgizý kerektigin atap ótti.

«Búginde oryndalmaı jatqan 4256 alıment tóleýshiden aqshalar ónidirlmeı keledi. Endigi kezekte alıment óndirý kórsetkishin 2 myńǵa deıin túsirý josparda bar»,- deıdi Túrkistan oblystyq Ádilet departamentiniń basshysy Muhıt Turǵaraev.

Sondaı-aq jıynda óńirdegi memlekettik sot oryndaýshylardyń birazyn jeke sot oryndaýshylarǵa aýystyrý boıynsha jospar jasalǵany aıtyldy. Búginde osy baǵytta naqty jumystar bastalyp ketken. Alqaly jıynda budan ózge kadr máselesine qatysty tártip jaıy talqylandy. Ásirese sybaılas jemqorlyqqa jol bermeý, QR memlekettik qyzmetshileriniń Ádep Kodeksiniń talaptaryn saqtaý kerektigi qatań eskertildi.

Jıyn sońynda bul baǵyttaǵy jumystardy ary qaraı jetildirý jóninde sheshimder qabyldandy.

 

Avtor Aınur Aqbaeva
Basty sózder: Túrkistan oblysy, Zań,
Joǵary qaraı