Awa rayı
Nur-Sultan 18 °S
Almatı 27 °S
valyuta bağamı
USD 383.43
EUR 429.83
RUB 5.96
CNY 55.39

Türkіstan oblısında 24 mıñnan astam oqwşı mekteptі ayaqtaydı

2019 jıldıñ 19 mamır 2019 08:49 615

TÜRKІSTAN. QazAqparat - Bïıl Türkіstan oblısında 24 061 oqwşı 11-sınıptı ayaqtaydı. Bul twralı Öñіrlіk kommwnïkacïyalar qızmetіnde ötken brïfïngte oblıstıq bіlіm basqarması basşısınıñ orınbasarı Ardaq Sadıqova mälіm ettі, dep xabarlaydı QazAqparat.

QR Bіlіm jäne ğılım mïnïstrlіgі bekіtken Ulttıq bіrıñğay testіlewdі uyımdastırw qağïdalarına säykes, testіlew 2019 jıldıñ 20 mawsımı men 5 şіldesі aralığında ötedі.

Bïıldan bastap Ulttıq bіrıñğay testіlewdі jılına 4 ret tapsırwğa boladı: qañtar, nawrız, mawsım jäne tamız aylarında. Qañtar, nawrız jäne tamızdağı testіlewdіñ nätïjesіmen bіtіrwşі aqılı türde oqwğa tüswge mümkіndіk aladı. Mawsımdağı test - memlekettіk grant negіzіnde tegіn oqwğa tüswge mümkіndіk beredі. Jalpı UBT tapsırw erejesіnde özgerіster joq. UBT-ğa qujattar qabıldaw ağımdağı jılğı 1 säwіrde bastalıp, 10 mamırda ayaqtaldı.

 «Türkіstan oblısında UBT ötetіn 15 pwnkt bar. Olardıñ 1-ewі joğarı oqw ornınıñ bazasında, 2-ewі kolledjderde, 12-sі orta mektepterde ornalasqan. 2019 jıldıñ qañtar ayında alğaşqı ret aqılı türde 5206 bіtіrwşі test tapsırdı. Onıñ qorıtındısı boyınşa oblıstıñ ortaşa balı 58,3-tі quradı. Nawrız ayında 14375 tülek aqılı testke ötіnіş berіp, 14 208-і testke qatıstı. Ortaşa ball - 79,5», - delіngen oblıs äkіmdіgіnіñ aqparatında.

Mälіm bolğanday, bïıl oblısta UBT-ğa 16 mıñnan astam adam qatısadı.

Sonımen qatar mektepterge engіzіlgen «BILIMLEND» elektrondıq platformasındağı «Іtest» jüyesіnde UBT-ğa tegіn dayındalwğa jäne Ulttıq testіlew ortalığınıñ saytında testі aqılı tapsırwğa mümkіndіk qarastırılğan.

 Budan bölek, oblısta «EDTECH-KZ» xalıqaralıq bіlіm ortalığınıñ «KASIP TEST» jeke tulğanıñ käsіbï dïagnostïkasınıñ avtomattandırılğan jüyesі arqılı mektep bіtіrwşіlerge onlayn türde  käsіbï dïagnostïkalaw jürgіzіldі. Oğan 11-sınıptağı 24 183 oqwşınıñ 21542-і qatıstı.

 

 

Bastı sözder: Bіlіm, Aymaq, Türkіstan oblısı,
Joğarı qaray