Awa rayı
Nur-Sultan 14 °S
Almatı 15 °S
valyuta bağamı
USD 379.36
EUR 424.47
RUB 5.88
CNY 54.95

Türkіstan oblısı: Sozaq awdanında öñіrlіk önіm kölemі 245 mlrd teñgeden astı

2019 jıldıñ 25 säwіr 2019 02:50 656

TÜRKІSTAN. QazAqparat - Sozaq awdanında 2018 jıldıñ qorıtındısı boyınşa 245 mlrd 184 mln  teñgenіñ jalpı öñіrlіk önіmі öndіrіldі, dep xabarlaydı Türkіstan oblısı äkіmіnіñ baspasöz qızmetі.

Onıñ іşіnde, önerkäsіp salası boyınşa - 216 mlrd. 710 mln. teñge, awılşarwaşılıq salasınıñ ülesі - 12 mlrd. 513 mln. teñgenі qurağan.

Budan özge, awdan ekonomïkasına 40 mlrd. 880 mln. teñge ïnvestïcïya tartıldı. Onıñ іşіnde, jergіlіktі byudjetten - 1 mlrd. 843 mln. teñge, käsіporındardıñ, uyımdardıñ jäne xalıqtıñ öz qarjısı esebіnen - 38 mlrd. 280 mln. teñge qarız qarajatı kölemі - 127 mln. teñge ïnvestïcïya tartılğan. 

Al awıl şarwaşılığı salasında awdan boyınşa 13 120 ga alqapqa egіs egіlіp, onıñ іşіnde 5 505 ga swarmalı jer ïgerіlgen. Sonday-aq, 1 ga alqapqa jılıjay salınıp, awdan kölemіnde «Jasıl jelek» bağdarlaması negіzіnde 111 ga dekoratïvtі bawğa tamşılatıp swarw ädіsі endіrіldі.

Sonımen qatar, awdan kölemіnde käsіpkerlіk salasında 2018 jılı 12 mlrd. 991 mln. teñgenіn önіmі öndіrіlіp, ötken 2017 jılmen salıstırğanda 3,9 payızğa ösken.

Awdanğa ïnvestorlardı köptep tartw jäne olardıñ ïnfraqurılım mäselesіn memlekettіk deñgeyde şeşw maqsatında awdanda jalpı alañı 50 ga jer telіmіn quraytın ïndwstrïaldı aymaq qurılğan. Bügіngі künge deyіn jalpı qunı 1 mlrd. 197 mln. teñge quraytın 5 joba іske qosılıp, jumıs jürgіzwde.

Ayta keterlіgі, awdandağı ïndwstrïaldı aymaqta ağımdağı jılı jalpı qunı 365 mln AQŞ dolların quraytın 4 joba qolğa alınadı. Atap aytqanda, jobalıq qunı 50 mln. AQŞ dollar quraytın «YuKSES-50» JŞS-nіñ kün elektr stansasın salw jobası qunı  15 mln. AQŞ dollar quraytın «Standart Wgle Xïm» JŞS-nіñ Taskömіrsay kenіnіñ kömіrіn qayta öñdew jobası  qunı  200 mln. AQŞ dollar quraytın «Sozaq fosfat» JŞS-nіñ fosfor öñdew zawıtınıñ jobası jobalıq qunı  100 mln. AQŞ dollar quraytın «Sozaq Kaws» JŞS-nіñ ötkіr soda (kawstïçeskaya soda) şığarw jobasın іske asırw josparlanwda.

 

 

Bastı sözder: Ekonomïka, Türkіstan oblısı,
Joğarı qaray