Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

Túrkistan qalasynda aýyl sharýashylyǵy máseleleri talqylandy

2019 jyldyń 21 sáýir 2019 04:00

TÚRKІSTAN. QazAqparat - Búgin Túrkistan qalasynda azyq-túlik beldeýin qalyptastyrý men aýyl sharýashylyǵy salasynda aldyńǵy qatarly tehnologııalardy qoldaný máselelerine arnalǵan semınar ótti.

Sharýalardyń basyn qosqan alqaly jıynda halyqty jumyspen qamtý maqsatynda iske asyrylatyn jobalar talqylandy, dep habarlaıdy QazAqparat tilshisi.

Jıynǵa Túrkistan oblysynyń ákimi Ómirzaq Shókeev pen QR Aýyl sharýashylyǵy mınıstrliginiń ókilderi, Jambyl, Qyzylorda jáne Shymkent qalasynyń aýyl sharýashylyǵy salasynyń basshylary men taýar óndirýshileri qatysty. Sondaı-aq, «Agrarlyq nesıe korporatsııasy» men «Aýyl sharýashylyǵyn qarjylaı qoldaý qory» jáne «KazAgroQarjy» AQ tóraǵalary, ekinshi deńgeıli bank basshylary men ǵalymdar, aýdan-qala ákimderi men oblystyń taýar óndirýshileri shaqyryldy.



null

Basqosýda «Agrarlyq nesıe korporatsııasy» AQ basqarma tóraǵasy Narmuhan Sarybaev pen «Aýyl sharýashylyǵyn qarjylaı qoldaý qory» AQ basqarma tóraǵasy Jandar Omarov agroónerkásip keshenine qatysty jeńildetilgen nesıeler týraly baıandama jasady. Al, «QazAgroQarjy» AQ basqarma tóraǵasynyń orynbasary Almas Jaýbaev agroónerkásip keshenine jeńildetilgen nesıeleri men nesıeleý joldary men sharttary jaıynda túsindirip ótti. Túrkistan oblysy aýyl sharýashylyǵy basqarmasynyń basshysy Nurbek Badyraqov bolsa azyq-túlik beldeýin qalyptastyrý men aýyl sharýashylyǵy salasynda aldyńǵy qatarly tehnologııalardy qoldaný, halyqty jumyspen qamtý maqsatynda júzege asyratyn jobalary haqynda sóz sóıledi.

Túlkibas aýdanynyń ákimi Nurbol Turashbekov te aýdanda júzege asyrylǵan jáne asyrylatyn jobalary týraly, «Qaskeleń Agroparkiniń» ǵylymı jetekshisi Abaı Saǵıtov agroónerkásip kesheniniń máselelerin kóterdi. «Dala Fruit» JShS dırektory Bolatbek Najmetdınuly qarqyndy baý sharýashylyǵynyń jetistikteri men jeńildikterin qamtysa, M.Áýezov atyndaǵy OQMÝ-ń ǵalymy Qalymbetov Berdııar bir jylda mol ónim alýdyń tıimdiligi týraly baıandama jasady.

Semınarda aýyl sharýashylyǵy salasyndaǵy ınnovatsııalyq tehnologııalardy qoldaný men bıznesti jolǵa qoıý jaıy sóz boldy. Mol tabys taýyp otyrǵan aýyl sharýashylyǵy kásiporyndary óz tájirıbelerimen bólisti.

Joǵary qaraı