Aýa raıy
Astana 16 °S
Almaty 24 °S
valıýta baǵamy
USD 384.52
EUR 431.32
RUB 6.10
CNY 55.89

Túrkistan álemdik deńgeıdegi sheberler ortalyǵyna aınalady - Ómirzaq Shókeev

2019 jyldyń 18 maýsym 2019 12:56 879

TÚRKІSTAN. QazAqparat - Túrkistannyń áleýmettik-ekonomıkalyq damýymen qatar, ıdeologııalyq damýynyń 4 baǵytyn aıqyndalǵan.  Ideologııalyq ustanymnyń Birinshi basymdyǵyna saı - osy qalaǵa kelgen adam kúlli Qazaq memleketiniń basynan ótken tarıhı oqıǵalardan maǵlumat alatyndaı bolýy tıis.

Bul týraly búgin aımaq basshysy Ómirzaq Shókeev  Túrkistan oblysynyń qurylǵanyna bir jyl tolýyna oraı uıymdastyrylǵan baspasóz máslıhatynda aıtyp ótti, dep habarlaıdy QazAqparat tilshisi.  

Óńir basshysynyń aıtýynsha, oblys ortalyǵyna kelgen týrıster kıeli jerlerge zııarat etip qana qoımaı  týrıstik baǵyttardy nasıhattaıdy.

«Túrkistanda álemdik deńgeıdegi sheberler ortalyǵy bolýy kerek. Qaladaǵy Qoja Ahmet ıAsaýı kesenesi sııaqty  álemde teńdesi joq sáýlet týyndylaryn, kóneden kele jatqan ulttyq qolónerimizdi keıingi urpaqqa jetkizý úshin, sheberlik qupııalary men qolóner tehnologııalaryn saqtaý, nyǵaıtý jáne jańǵyrtý úshin jaǵdaı jasaý qajet. Sondaı-aq, buryn Túrkistan toǵyz joldyń torabynda ornalasqan iri saýda ortalyǵy bolǵan. Búgin de bul qalany iri saýda, óner, týrızm ortalyǵyna aınaldyrýdyń keshendi tetigin daıyndaýymyz qajet. Zamanaýı qol óner tsehtary, qysh-shyny ındýstrııasy, teri óńdeý men túskıiz fabrıkalary, kilem toqý ónimderi Túrkistannyń jáne ıAsaýıdiń keskini men kelbetin nasıhattaıtyn ortalyqtarǵa aınalýy kerek»,- dedi Ómirzaq Shókeev.

Aımaq basshysy sonymen qatar, áleýmettik-ekonomıkalyq máselelerdi sheshý tetigi mádenıet, órkenıet, saýda, sáýlet, qolóner, mýzyka sııaqty salalardy qaıta jańǵyrtýdan bastalatynyn atap ótti.


null 

«Keshe tarıhı Uly Jibek Joly da osy Túrkistannan ótken bolsa, búgin de sol jol jalǵasyp keledi. Qoja Ahmet ıAsaýı - jalpy túrki rýhanııaty keńistiginde ózindik ilim qalyptastyryp, ıslamdyq qundylyqtar negizinde ǵylymnyń moraldyq-etıkalyq arnasy men úlgisin kórsetip ketken tarıhı tulǵa.  ıAsaýıdiń artyna qaldyrǵan óshpes murasy onyń eńbekterinde jatyr. Osy maqsatta Qoja Ahmet ıAsaýıdyń Túrkııa, Ózbekstan, Iran, Indonezııa jáne Eýropa elderindegi shákirtteriniń basyn qosatyn sımpozıým uıymdastyrý josparda bar»,- dedi oblys ákimi.



null 

 

Avtor Aınur Aqbaeva
Basty sózder: Túrkistan oblysy, Ekonomıka, Óner,
Joǵary qaraı