Awa rayı
Nur-Sultan 5 °S
Almatı 20 °S
valyuta bağamı
USD 378.90
EUR 422.74
RUB 5.87
CNY 54.80

Türіk kompanïyası Bayanawılda twrïzmdі damıtwğa qızığwşılıq tanıtwda

2019 jıldıñ 16 qañtar 2019 00:32 1156

ASTANA. QazAqparat - Pavlodar oblısı äkіmdіgіnde ötken keñeytіlgen apparattıq jïında Bayanawıl awdanında twrïzm salasın damıtwğa qatıstı josparlar talqılandı, dep xabarlaydı pavlodarnews.kz.

- Bıltır Astanada ötken xalıqaralıq forwmda «AHISKALI EMLAK» türіk kompanïyasımen baylanıs ornatıldı, - deydі  öñіrlіk käsіpkerlіk, sawda jäne twrïzm basqarmasınıñ basşısı Dastan Rıspekov. - Kompanïyanıñ ökіlderі Bayanawıl şïpajay aymağına kelіp ketіp, Sabındıköl kölіnіñ jağasın damıtwğa ïnvestïcïya salwğa nïet bіldіrdі. Qazіrgі tañda mekeme basşısı Şevket Raşïdtі kütіp otırmız jäne memorandwmğa qol qoyıladı.

Budan basqa, basqarma basşısı twrïster üşіn arqan sayabağı, arqanmen tüswge bolatın «Zïp-layn» attrakcïon aymaqtarın aşw közdelіp otırğanına toqtalıp öttі.

- Bul jobalardı jüzege asırw üşіn käsіpkerlerdіñ arasında «BJK-2020» bağdarlaması ayasında ötіnіşterdі qabıldawğa qatıstı tüsіndіrw jumıstarı jürgіzіlwde, - deydі Dastan Rıspekov. - Zamanawï ülgіdegі «Zolotıe peskï» demalıs üyіnіñ qurılısı 90 payızğa ayaqtaldı. Qazіrgі tañda іşkі jumıstar qaldı. 128 orındıq nısannıñ boy köterwіne bıltır 300 mïllïon teñge salınsa, bïıl 40 mïllïon ïnvestïcïya quyu közdelіp otır. Qısqı waqıtta Bayanawıl şïpajay aymağında twrïsterdі bes demalıs üyі qabılday aladı.

Oblıs äkіmі Bolat Baqawov basqarma basşısına sw tartw mäselesі şeşіlgenge deyіn qanday demalıs üylerі twrïsterdі qabılday alatındığına saraptama jasawdı tapsırdı. 

- Bіr ğana «Fakel» men ekі şïpajay jumıs іstep tur, - deydі oblıs äkіmі. - Aqparattıq twrlar jäne ekskwrsïyamen şektelіp qalmaw kerek. Bayanawıl köpşіlіkke tanılğan brend. Bіrіnşі kezekte turğan avtojol mäselesі şeşіmіn taptı. Qarağandı jäne Pavlodar oblıstarın alğanda ekі mïllïonnan astam adam bar. Bul tolıq kölemde jumıs іstew üşіn jetkіlіktі. Jasıbaydan basqa, Torayğır, Bіrjanköl jäne Sabındıköl awmağın damıtwğa nazar awdarw kerek.



null 

 

Bastı sözder: Twrïzm, Pavlodar oblısı,
Joğarı qaray