Aýa raıy
Astana 15 °S
Almaty 10 °S
valıýta baǵamy
USD 386.82
EUR 428.67
RUB 5.86
CNY 54.95

Turǵyn úı jınaq banki «5-20-25» shartymen ıpoteka beredi

2019 jyldyń 19 aqpan 2019 12:45 4309

ASTANA. QazAqparat - Úkimet «Báıterek» xoldıngin bıýdjettik qarjylandyrý týraly qaýlyny qabyldady. Atalǵan qujat boıynsha Turǵyn úı qurylys jınaq bankine qosymsha qarjy bólinedi. Oǵan 20 protsenttik alǵashqy jarnasy bar azamattar 5 protsentpen 25 jylǵa páter nesıesin rásimdeı alady, dep xabarlaıdy QazAqparat tilshisi.

QR Indýstrııa jáne ınfraqurylymdyq damý mınıstri Jeńis Qasymbektiń aıtýynsha, búginde Turǵyn úı qurylys jınaq bankinde 1,3 mıllıon salymshy tirkelgen. Olardyń aqshasy 660,6 mıllıard teńgege jetti. Sonyń ishinde 44 700 salymshy páter somasynyń 20 protsentin jınap qoıdy.

«Jalpy, búginde turǵyn úı qurylys jınaq júıesi baspana alýdyń eń tıimdi ınstrýmentterdiń biri bolyp otyr. Salymshylarǵa beriletin zaımdar bastapqy jarnasy 20 protsentke deıin bolǵan jaǵdaıda 25 jylǵa 5 protsentke beriledi. Mysaly, quny 8,4 mıllıon teńge bolatyn páterdiń, ol shamamen 60 sharshy metrdi quraıtyn eki bólmeli baspananyń aı saıynǵy tólemi 60 myń teńgeni quraıtyn bolady. Bólingen qarjy bir jyldyń ishinde 3 111 salymshyǵa qoljetimdi zaım alýǵa múmkindik beredi. Bul qarjy 15 jylda 3 ret aınalymda bolady, ıaǵnı taǵyda 6 salymshyǵa zaım beriletin bolady», - dedi J.Qasymbek Úkimettiń búgingi otyrysynda.

Mınıstrliktiń málimetine sáıkes, «Nurly jer» memlekettik baǵdarlamasy aıasynda Turǵyn úı qurylys jınaq bankiniń salymshylaryn nesıeleý úshin 2017-2021 jyldary aralyǵynda 120 mıllıard teńge qarastyrylǵan. Bıyl atalǵan qarjynyń 28 mıllıard teńgesi ıgeriledi. Bıýdjettik kredıt bankke 0,15 protsentpen 20 jylǵa beriledi. 

Aıta keteıik, «7-20-25» baǵdarlamasy qabyldanǵannan keıin Turǵyn úı qurylys jınaq banki nesıe berý sharttaryn qaıta qaraıtynyn málimdegen bolatyn. Máselen, áskerı azamattar jáne arnaıy organ qyzmetkerlerine arnalǵan «5-5-25»-tiń jobasy usynyldy. Budan bólek, kredıttik baspanany satyp alýdy kózdeıtin «5-20-15» sharttary qaraldy.

 

 

Joǵary qaraı