Aýa raıy
Astana 16 °S
Almaty 14 °S
valıýta baǵamy
USD 386.82
EUR 428.67
RUB 5.86
CNY 54.95

Túlkibas aýrýhanasynda zamanaýı qabyldaý bólimi ashyldy - Túrkistan oblysy

2019 jyldyń 20 aqpan 2019 10:52 803

TÚRKІSTAN. QazAqparat - Túrkistan oblysynyń Túlkibas aýdanynda aýrýhana ǵımaratynda zamanaýı qabyldaý bólimi ashyldy, dep habarlaıdy QazAqparat.

Túrkistan oblystyq ákimdiginen málim etkendeı, qoljetimdi medıtsınalyq kómekti ońtaılandyrý maqsatyn tutqan joba tıraj júıesi arqyly iske asyp otyr. Júıe naýqastarǵa qyzmet kórsetý ýaqytyn tıimdi paıdalanýǵa múmkindik beredi. Qabyldaý bóliminde zamanaýı tirkeý orny, sary, jasyl, qyzyl zonalar jasaldy. Sonymen qatar kishi operatsııalyq zal, áıelderdi jáne balalardy qaraý bólmeleri, juqpaly aýrýlar, sanıtarlyq ótkizý bólmeleri, kútý zaly bar. Naýqastarǵa jedel kómek kórsetý úshin ÝZI men EFGS bólmeleri qabyldaý bóliminiń ishinen uıymdastyrylyp, zerthana jaqyndastyryldy.

Sondaı-aq, jańa qabyldaý bólmesinde naýqas dárigerdi zamanaýı SOS qondyrǵysy arqyly shaqyra alady. Naýqastardyń aýrý tarıhtary tolyq elektrondy túrde júrgiziletin bolady.

Sonymen qatar, 2018 jyly aýdan aýmaǵynda eldi mekender turǵyndaryna qoljetimdi medıtsınalyq kómek kórsetý maqsatynda jalpy quny 150 mln teńgege Jańatalap, Sarytór medıtsınalyq pýnktterine kúrdeli jóndeýden ótti. Al Sharafkent, Kókbulaq, Eńbekshi aýyldaryndaǵy medıtsınalyq beketterge kúrdeli jóndeý jumystary júrgizilýde. Nysandar 2019 jyldyń sáýir aıynda paıdalanýǵa beriledi dep josparlanýda.



null 

 

 

Basty sózder: Medıtsına, Túrkistan oblysy, Aımaq,
Joǵary qaraı