Aýa raıy
Astana 0 °S
Almaty 2 °S
valıýta baǵamy
USD 388.70
EUR 428.70
RUB 6.08
CNY 55.46

Túlkibas aýdanynda 23 jylqyny aıdap ketken barymtashylar ustaldy

2019 jyldyń 17 maýsym 2019 14:52

TÚRKІSTAN. QazAqparat - Túrkistan oblysy Túlkibas aýdanynda barymtashylar 4 jerden 23 jylqyny urlaǵan, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, jergilikti tórt birdeı turǵyn jylqylarynyń urlanǵany jóninde polıtsııaǵa aryzdanǵan. Olardyń biri 30 bas jylqysyn jaıylymǵa qaraýsyz jiberip, keshkisin jylqylar arasynan jalpy quny 4 mıllıon teńge turatyn 12 bas jylqysy joǵalǵanyn kórsetken.

Osy sekildi aryzdar taǵy 3 birdeı jábirlenýshiden túsken. Olar da jaıylymda júrgen 11 bas jylqysynyń joǵalyp ketkenin aıtyp, shaǵymdanǵan. Sóıtip, mal ıelerine jalpy quny 3 500 000 teńge shyǵyn kelgeni anyqtalǵan.

Atalǵan oqıǵa qatysty QR QK-niń 188-shi «Urlyq» baby boıynsha sotqa deıingi tergep-tekserýdiń biryńǵaı tizilimine tirkeldi. Tártip saqshylary tarapynan jedel-izdestirý sharalary júrgizilip, tájirıbeli polıtseılerden arnaıy top qurylǵan. Nátıjesinde osy qylmystardy jasaǵan degen kúdikpen 3 adamnan turatyn qylmystyq top múshesi ustaldy. Qazirgi ýaqytta olar qamaýǵa alynyp, jasaǵan qylmystaryn tolyǵymen moıyndady. Qylmystyq is sotqa joldandy.

Joǵary qaraı