Aýa raıy
Astana 8 °S
Almaty 14 °S
valıýta baǵamy
USD 389.62
EUR 429.98
RUB 6.06
CNY 55.08

Tótenshe jaǵdaı týraly habarlap otyratyn mobıldi qosymsha iske qosyldy

2019 jyldyń 13 sáýir 2019 18:13

ALMATY. QazAqparat - Almatyda tótenshe jaǵdaılar týraly jedel habarlaýǵa múmkindik beretin tegin mobıldi qosymsha iske qosyldy, dep habarlaıdy QazAqparat qalalyq tótenshe jaǵdaılar departamentine silteme jasap.

Jobany Smart Almaty kontseptsııasyn iske asyrý aıasynda Almaty qalasynyń tótenshe jaǵdaılar departamenti men Almaty qalasynyń damý ortalyǵy jáne qazaqstandyq «I2NIK» JShS birge jasap shyqqan.

«Mobıldi qosymshany OS Android jáne IOS bazasynda smartfon men planshet ıeleri qazaq, orys jáne aǵylshyn tilderinde paıdalana alady. Qazirgi ýaqytta qosymshany 2000 jeli paıdalanýshysy júktep alǵan. «Darmen» qosymshasyn óńdeý úshin Japonııa men AQSh-yń uıaly qosymshalar arqyly halyqqa habar berý tájirıbesi qoldanyldy. Bul rette bizdiń qosymsha birneshe sekýndtyń ishinde Almaty qalasynyń mańaıynda oryn alǵan tótenshe jaǵdaılar (daýyldy eskertý, jer silkiný jáne taǵy basqa) týraly halyqty jyldam habardar etýge múmkindik beredi» delingen habarlamada.

Qalalyq TJD «Qazgıdromet» jáne Seısmologııalyq eksperımenttik-ádistemelik ekspedıtsııa qyzmetterinen jedel derekterdi alǵannan keıin habarlandyrý jasaıdy. Ary qaraı tótenshe jaǵdaılar departamentiniń jedel kezekshisi derekterdi júıege engizip, push qosymshasyn qoldanatyn jeli paıdalanýshylaryna tez arada habarlama arqyly jiberedi.

Uıaly qosymshalar synaqtan ótti jáne aldynda qoldanylǵan SMS-habarlamamen salystyrǵanda habarlandyrýlardy tez jetkizý boıynsha joǵary tıimdiligin kórsetti. Sonymen, 2019 jyldyń 15 sáýirinen bastap TJD qala turǵyndaryna tótenshe jaǵdaılar týraly SMS-habarlamamen birge «Darmen» qosymshasy arqyly habarlaıtyn bolady.

Atalǵan qosymshany App Store, PIay Market dúkenderinen «Darmen» degen atpen júkteýge bolady.

Joǵary qaraı