Aýa raıy
Astana 16 °S
Almaty 24 °S
valıýta baǵamy
USD 384.87
EUR 432.52
RUB 6.11
CNY 55.95

Tólebı aýdanynda 25 jastaǵy týrıst taýdan qulap, mert boldy

2019 jyldyń 18 maýsym 2019 13:16 683

TÚRKІSTAN. QazAqparat - Túrkistan oblysy, Tólebı aýdanyndaǵy Birkólik taý shatqalynda jas jigit pen boıjetken joǵalyp ketken. Olardy izdestrý kezinde  25 jastaǵy týrıstiń taýdan qulap,  qaza tapqany belgili boldy, dep habarlaıdy QazAqparat tilshisi.  

Shymkent qalalyq TJD málimetinshe,  16 maýsym kúni túngi saǵat 00:10-da  qutqarý qyzmetiniń pýltine Tólebı aýdanynda demalýshylar tobynan 25 jastaǵy jigit pen 22 jastaǵy boıjetkenniń 15 maýsymda shamamen saǵat 22:00-de joǵalǵandyǵy  týraly habarlama kelip túsken.

«Іzdestirý jumystaryna Shymkent qalalyq jedel-qutqarý jasaǵynyń 9 qutqarýshysy men Túrkistan oblysy Tólebı aýdany TJ bóliminiń 14 qyzmetkeri, jergilikti atqarýshy bılik organdary men aýdandyq polıtsııa bóliminiń 5 qyzmetkeri men QR UQK ShQ №2041 ÁB 4  áskerı qyzmetker jáne 1 ıt jumyldyryldy. 

Oqıǵa ornyna jetken qutqarýshylar Birkólik shatqalynyń taý aımaǵynda 120 m bıiktikten qulap,  aǵash butaqtarynda ilinip qalǵan 1994 jylǵy jas jigittiń denesin taýyp aldy. Al, joǵalǵan 1997 jylǵy qyz ózdiginen shatqaldan túsip,  aýrýhanaǵa jatqyzylǵan», delingen habarlamada.   

 

 

Joǵary qaraı