Aýa raıy
Astana 25 °S
Almaty 17 °S
valıýta baǵamy
USD 386.82
EUR 428.67
RUB 5.86
CNY 54.95

Tólebı aýdany ákiminiń orynbasaryna oq atqandar sot zalynda bosatyldy

2019 jyldyń 22 aqpan 2019 19:16 1706

TÚRKІSTAN. QazAqparat - Túrkistan oblysy, Tólebı aýdany ákiminiń orynbasary Rabıǵa Beısebaevaǵa oq aqtandar sot zalynda bosatyldy. Aýdandyq sot tórt aıyptalýshyǵa qatysty búgin bas bostandyqtaryn shekteý úkimin shyǵardy,  dep habarlaıdy QazAqparat tilshisi.

Sot úkimi  boıynsha qylmysty uıymdastyrýshy ári tapsyrys berýshi dep tanylǵan Amalbaevqa Qylmystyq kodekstiń 28 babynyń 3 bóligi «Qylmystyq quqyq buzýshylyqqa sybaılas qatysýshylardyń túrleri» jáne 389 babynyń 3 bóligi «Ózinshe bılik etý, kúsh qoldanýmen nemese ony qoldaný qaterin tóndirýmen ne adamdar tobynyń aldyn ala sóz baılasýymen jasalǵan is-áreket» boıynsha kináli dep tanylyp, bir jylǵa bas bostandyǵynan shekteý jazasy taǵaıyndaldy. Bektanov  Qylmystyq kodekstiń 28 babynyń 5 bóligi («Qylmystyq quqyq buzýshylyqqa sybaılas qatysýshylardyń túrleri»),  389 baptyń 3 bóligi «Ózinshe bılik etý», 287 baptyń 2 bóligi «Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý» boıynsha aıypty dep tanyldy. Túpkilikti 1 jyl 6 aıǵa bas bostandyǵyn shekteý jazasyn óteıtin boldy. Al qalǵan Tazabekov pen Tólepbekovter  Qylmystyq kodekstiń 389 baby 3 bóligi jáne 287 babynyń 2 bóligimen kináli dep tanyldy. Olarǵa da 1 jarym jyl 6 aı  bas bostandyǵyn shekteý jazasy taǵaıyndaldy.  Іsti qaraǵan sýdıa úkim shyǵarý kezinde jábirlenýshi taraptyń keshirim berýi men sot kezinde anyqtalǵan mán-jaılar eskerilgenin atap ótti.

Eske sala ketsek, ótken jyldyń qazan aıynda Tólebı aýdany ákiminiń orynbasary Rabıǵa Beısebaevaǵa belgisiz bireýler shabýyl jasap, óltirýge árekettengen bolatyn. Túski úzilis kezinde qyzmettik kóligimen úıine kelgen sátte úsh tulǵa oǵan qaraı birneshe ret oq atqan edi. Sheneýnik eńkeıip qalyp, kóliginiń esigin qulyptap úlgeredi. Osy kezde shýdy estigen kórshiler jınalyp, seziktiler qashyp ketken. Keıinnen sotqa qatysqan prokýror Almas Saǵyndyqov sheneýniktiń tanysy Serik Bektanov bas arazdyǵyna baılanysty Rabıǵa Beısebaevadan kek almaq bolǵanyn aıtyp ótti. Sóıtip Jambyl oblysynyń turǵyny Ádilet Tórebekovke xabarlasyp, tapsyrys bergenin jetkizdi. Ol úshin 1 mln 300 myń teńge berýge ýaǵdalasqan. Osydan keıin Tórebekov, Tazabekov jáne Amalbaevtar bul tapsyrysty oryndaýǵa oqtalǵan. Alaıda alǵash ret aram oılaryn júzege asyra almaıdy. Ekinshi ret taǵy baryp, úsheýi aýdan ákimi orynbasarynyń úıiniń mańyna kelip, ony óltirmek bolady.

 

 

 

Avtor Aınur Aqbaeva
Basty sózder: Sot, Túrkistan oblysy,
Joǵary qaraı