Aýa raıy
Astana 16 °S
Almaty 24 °S
valıýta baǵamy
USD 384.87
EUR 432.52
RUB 6.11
CNY 55.95

Toqaevty Túrkııa Prezıdenti Erdoǵan quttyqtady

2019 jyldyń 10 maýsym 2019 14:58 704

NUR-SULTAN. QazAqparat - Memleket basshysy Qasym-Jomart Toqaevtyń atyna Túrkııa Respýblıkasynyń Prezıdenti Rejep Erdoǵannyń quttyqtaý jedelhaty kelip tústi, dep habarlaıdy QazAqparat Aqordaǵa silteme jasap.

Túrkııa Respýblıkasynyń Prezıdenti Rejep Taıyp Erdoǵan óziniń jáne túrik halqynyń atynan Qasym-Jomart Toqaevty Qazaqstan Respýblıkasynyń Prezıdenti saılaýyndaǵy jeńisine oraı quttyqtaý jedelhatyn joldady.

Saıası turaqtylyq sabaqtastyǵynyń mańyzdy kórsetkishi retinde osy saılaýdyń tabysty aıaqtalǵanyna qýanyshty ekenin aıtqan Túrkııa Prezıdenti Qazaqstannyń aldaǵy damýyna senim bildirdi.

«Qazaqstannyń tynyshtyq pen turaqtylyq jolyndaǵy qadamdaryn odan ári jalǵastyra túsetinine jáne halyqaralyq beıbitshilik pen qaýipsizdikti qamtamasyz etýge úles qosa beretinine kúmánim joq. Halyqtarymyz arasyndaǵy tarıhı jáne ejelgi dostyqqa negizdelgen Túrkııa-Qazaqstan qarym-qatynastary Tuńǵysh Prezıdent - Elbasy Nursultan Nazarbaev myrzamen bizdiń birlesken kúsh-jigerimizdiń arqasynda joǵary deńgeıge jetti. Osy oraıda, elderimiz arasyndaǵy qarym-qatynastardy barlyq salada odan ári damytý úshin jumys isteýge daıyn ekenimdi atap ótkim keledi», - delingen jedelhatta.

Túrkııa Prezıdenti Memleket basshysyna densaýlyq, baqyt tiledi. 

 

 

 

Joǵary qaraı