Aýa raıy
Astana 0 °S
Almaty 20 °S
valıýta baǵamy
USD 389.59
EUR 429.06
RUB 6.05
CNY 55.07

TMD elderine Shymkenttiń jańa jobalary tanystyryldy

2019 jyldyń 19 mamyr 2019 07:32

ShYMKENT. QazAqparat - Shymkent qalasynyń ákimi Ǵabıdolla Ábdirahymov Ashhabadta ótken TMD-ǵa múshe elderdiń shyǵarmashylyq jáne ǵylymı zııaly qaýym ókilderiniń XIV forýmyna qatysyp, «Dostastyqtyń mádenı astanasy 2020» baǵdarlamasymen tanystyrdy, dep habarlaıdy QazAqparat tilshisi.

Shymkenttiń 2020 jyly TMD-nyń mádenı astanasy bolyp jarııalanýy úlken mártebe ekenin aıryqsha aıtqan Ǵabıdolla Ábdirahymov shahar jyl boıy aýqymdy mádenı baǵdarlamalar men kezdesýler ótetin alyp alańǵa aınalatynyn jetkizdi. Sonymen qatar ol qala aýmaǵynda júzege asyrylyp jatqan jobalarǵa toqtaldy. Ákimniń sózinshe, Shymkent qalasy əýejaıynda jańa jolaýshylar termınalynyń qurylysy bastaldy. Jobanyń ınvestıtsııalyq quny 50 mıllıon AQSh dollaryn quraıdy. Jańa termınaldyń iske qosylýy nátıjesinde áýejaıdaǵy jolaýshylar aǵymy 10 esege artatyn bolady. Sonymen qatar, qaladaǵy temirjol vokzalyna jańǵyrtý jumystary júrgizilýde. Nátıjesinde qyzmet kórsetýdiń halyqaralyq standarttaryna sáıkes kúnine 9 myńǵa jýyq jolaýshyny qabyldaıtyn bolady.




null
«Shymkentte 3 myń oryndyq zamanaýı «Kongress-ortalyq» salý men 20 myń oryndyq ortalyq stadıondy qaıta jańǵyrtý josparlanýda. 2200 jyldyq tarıhy bar shaharda «Eski qalashyq - Tsıtadeldi» qaıta jańartý men «Qoshqar-ata» ózeniniń jaǵalaýyn abattandyrý jumystary bastaldy. «Tsıtadel» - Shymkenttiń biregeı mádenı-tarıhı aımaǵy. Qalpyna keltirý jumystary aıaqtalǵannan keıin bul nysan tek megapolıstiń ǵana emes, búkil Qazaqstannyń jarqyn týrıstik brendine aınalatyn bolady», - dedi ákim.




null
Forýmda zamanaýı ınfraqurylymnyń joǵary halyqaralyq standarttaryna saı 400 gektar aýmaqta salynyp jatqan «Shymkent City» qalashyǵy týraly aıtqan qala basshysy, «Heppılend» kópfýnktsıonaldy otbasylyq oıyn-saýyq kesheni de boı kóteretinin málim etti.

Sóz sońynda Ǵabıdolla Ábdirahymov Shymkenttiń kelisti kelbetimen, jylylyǵymen, qonaqjaı qalpymen, ıgi dástúrimen jáne tálimdi tarıhymen maqtana alatynyn jetkizdi.




null

Joǵary qaraı